ହାଇଦ୍ରାବାଦ: ପବନ କଲ୍ୟାଣ ସାଉଥର କେତେ ବଡ ସୁପରଷ୍ଟାର, ତାହା କହିବାର କୌଣସି ଆବଶ୍ୟକତା ନାହିଁ । ସାଉଥରେ ପ୍ରଶଂସକଙ୍କ ସହିତ ସୁପରଷ୍ଟାରଙ୍କ ଏକ ଖାସ ବନ୍ଧନ ରହିଛି । ସୁପରଷ୍ଟାର ଏବଂ ପ୍ରଶଂସକଙ୍କ ମଧ୍ୟରେ ଥିବା ଏହି ସମ୍ପର୍କ ଦୀର୍ଘ ଦିନରୁ ରହି ଆସିଛି। କିନ୍ତୁ ବେଳେବେଳେ ଏହି ପ୍ରଶଂସକଙ୍କ କ୍ରେଜ୍ ସୁପରଷ୍ଟାରଙ୍କ ପାଇଁ ଭାରି ପଡିଯାଏ । ସାଉଥ ସୁପରଷ୍ଟାର ପବନ କଲ୍ୟାଣଙ୍କ ସହ ସମାନ ଘଟଣା ଘଟିଛି । ପବନ କଲ୍ୟାଣ ଜଣେ ସୁପରଷ୍ଟାର ତଥା ରାଜନେତା ମଧ୍ୟ । ସେ ଜନସେନା ପାର୍ଟି (JanaSena Party) ର ମଧ୍ୟ ମୁଖ୍ୟ ଅଟନ୍ତି। ତାଙ୍କ ସହିତ ଏମିତି ଏକ ଘଟଣା ଘଟିଛି, ଯେଉଁଥିରୁ ସେ ଅଳ୍ପକେ ବର୍ତ୍ତି ଯାଇଛନ୍ତି।
ଆନ୍ଧ୍ରପ୍ରଦେଶର ପୂର୍ବ ଗୋଦାବରୀ ଜିଲ୍ଲାରେ ପାର୍ଟର କାର୍ଯ୍ୟକ୍ରମ ସମୟରେ ପବନ କଲ୍ୟାଣ ଏକ ରୋଡ୍ ସୋ କରୁଥିଲେ। ତାଙ୍କର ବହୁ ସଂଖ୍ୟକ କର୍ମୀ ଏବଂ ପ୍ରଶଂସକ ମଧ୍ୟ ଉପସ୍ଥିତ ଥିଲେ । ପବନ କଲ୍ୟାଣ ତାଙ୍କ କାର ଉପରେ ଚଢି ଲୋକଙ୍କୁ ଅଭିବାଦନ ଜଣାଇଥିଲେ, ଏହି ସମୟରେ ଜଣେ ଫ୍ୟାନ ତାଙ୍କ ଆଡକୁ ଧାଇଁ ଆସିଥିଲେ ଏବଂ ପବନଙ୍କ ସହିତ ବାଡେଇ ହୋଇ ଯାଇଥିଲେ । ଭାରସାମ୍ୟ ହରାଇ ଦୁହେଁ ଗାଡି ଉପରୁ ଖସିପଡିଥିଲେ, ପବନ କଲ୍ୟାଣ କାର ଉପରେ ପଡ଼ିଗଲେ ଏବଂ ତାଙ୍କ ପ୍ରଶଂସକ ତଳେ ପଡ଼ିଗଲେ । ଯଦି ପବନ କଲ୍ୟାଣ ତଳେ ପଡ଼ିଯାଇଥାନ୍ତେ, ତେବେ ସେ ଆଘାତ ପାଇଥାନ୍ତେ କିନ୍ତୁ ସୌଭାଗ୍ୟବଶତଃ ସେ ତଳେ ପଡ଼ି ନଥିଲେ, ବରଂ କାର ଉପରେ ପଡ଼ିଯାଇଥିଲେ । ବର୍ତ୍ତମାନ ପବନ ସୁରକ୍ଷିତ ଅଛନ୍ତି। ଏହି ଘଟଣାର ଦୃଶ୍ୟ ଏବେ ସାରା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଲୋକମାନେ ପ୍ରଶଂସକକୁ ଟ୍ରୋଲ କରିବାରେ ଲାଗି ପଡିଛନ୍ତି ।