ହାଇଦ୍ରାବାଦ: ଚାଲିଥିଲା ଲୁଚାଛପା ପ୍ରେମ। ଧରାପଡିଗଲେ ଶ୍ବେତା ତିୱାରୀ (Shweta tiwari) ଙ୍କ ଲାଡଲି ପଲକ (Palak Tiwari) ଏବଂ ସୈଫ ଅଲି ଖାନଙ୍କ ଲାଡଲା ଇବ୍ରାହିମ ଅଲି ଖାନ (Ibrahim Ali Khan)। ଦୁହେଁ ଏକାଠି ଡିନର ପାଇଁ ଯାଇଥିଲେ । କିନ୍ତୁ ଗଣମାଧ୍ୟମ କ୍ୟାମେରା ସାମ୍ନାକୁ ଆସିବା ମାତ୍ରେ ଏହି ଦୁଇ ତାରକା ମୁହଁ ଲୁଚାଇଥିବାର ନଜର ଆସିଥିଲେ।
କାରରେ ବସିଥିବା ପଲକ ତିୱାରୀ ହାତରେ ମୁହଁ ଲୁଚାଇଥିବା ବେଳେ ଇବ୍ରାହିମ ଅଲି ଖାନ ମଧ୍ୟ କ୍ୟାମେରାକୁ ନଜର ଅନ୍ଦାଜ କରିଥିଲେ। ଏହି ଦୁଇ ତାରକା ଏପରି ପ୍ରତିକ୍ରିୟା ଦେଇଥିଲେ ଯେପରି କେହି ସେମାନଙ୍କ ଚୋରି ଧରିନେଇଛି । ଭାଇରାଲ ହେଉଥିବା ଭିଡିଓ ଏବଂ ଫଟୋରେ ଦୁହେଁ ଗୋଟିଏ କାରରେ ବସିଥିଲେ । ଏହି ଖବର ସାମ୍ନାକୁ ଆସିବା ପରେ ଉଭୟଙ୍କ ଡେଟିଂ ଖବର ମଧ୍ୟ ଶୁଣିବାକୁ ମିଳିଛି । ଟ୍ରାଫିକରେ ଫସି ରହିଥିବା ଏହି ତାରକା ମିଡିଆ କ୍ୟାମେରାରେ କଏଦ ହୋଇଥିଲେ।