ହାଇଦ୍ରାବାଦ: ଅଭିନୟ ଜଗତରେ କାୟା ମେଲାଉଛି କୋରୋନା । ବଲିଉଡରୁ ଆରମ୍ଭ କରି ଟିଭି ଇଣ୍ଡଷ୍ଟ୍ରିର ଅନେକ କଳାକାର ଏବେ କୋରୋନା କବଳରେ । ପ୍ରତିଦିନ ଗୋଟିଏ ପରେ ଗୋଟିଏ ସେଲିବ୍ରିଟି କୋରୋନା ସଂକ୍ରମିତ ହେଉଛନ୍ତି । ଏବେ ଏହି କୋରୋନା ତାଲିକାରେ ସୁଜୈନ୍ ଖାନଙ୍କ ସମେତ ବୀର ଦାସ ଏବଂ ଖୁସି କପୁରଙ୍କ ନାଁ ଯୋଡି ହୋଇଛି। ଏହି ତିନି ଜଣଙ୍କର କୋରୋନା ରିପୋର୍ଟ ପଜିଟିଭ ଆସିଛି ଏବଂ ସମସ୍ତେ ହୋମ କ୍ବାରେଣ୍ଟାଇନରେ ଅଛନ୍ତି ।
ସୁଜୈନ୍ ଖାନ୍ କୋରୋନା ସମ୍ପର୍କରେ ସୂଚନା ଦେଇ ଲେଖିଛନ୍ତି, କାଲି ରାତିରେ ମୋର କୋରୋନା ରିପୋର୍ଟ ପଜିଟିଭ ଆସିଛି । ଦୟାକରି ସମସ୍ତେ ସୁରକ୍ଷିତ ରୁହନ୍ତୁ ଏବଂ ନିଜର ଧ୍ୟାନ ନିଅନ୍ତୁ । ସେହିପରି ବୀର ଦାସ ତାଙ୍କ ପୋଷ୍ଟରେ କହିଛନ୍ତି, ତାଙ୍କଠାରେ ସାମାନ୍ୟ ଲକ୍ଷଣ ରହିଛି ଏବଂ ସେ ଘରେ ଆଉସୋଲେଟ୍ ଅଛନ୍ତି ।