ମୁମ୍ବାଇ: ବଲିଉଡର ଲୋକପ୍ରିୟ ଅଭିନେତ୍ରୀ ବିଦ୍ୟା ବାଲନ ଖୁବଶୀଘ୍ର ପରଦାରେ ଦର୍ଶଙ୍କୁ ଗଣିତ ପଢାଇବେ । ସେ ଗଣିତଜ୍ଞ, ହ୍ୟୁମାନ କମ୍ପ୍ୟୁଟର ଶକୁନ୍ତଳା ଦେବୀଙ୍କ ଜୀବନକୁ ନେଇ ଆଧାରିତ ଫିଲ୍ମ ‘ଶକୁନ୍ତଳା ଦେବୀ’ରେ ନଜର ଆସିବେ । ବର୍ତ୍ତମାନ ସେ ଫିଲ୍ମର ସୁଟିଂରେ ବ୍ୟସ୍ତ। ଫ୍ୟାନ୍ସଙ୍କ ଉତ୍ସାହ ବଢାଇବା ପାଇଁ ମେକର୍ସ ଜାରି କରିଦେଇଛନ୍ତି ଫିଲ୍ମର ମୋଶନ ପୋଷ୍ଟର ।
ଏହି ଅବସରରେ ବିଦ୍ୟା ବାଲନ ଟ୍ବିଟର ଆକାଉଣ୍ଟରେ ମୋଶନ ପୋଷ୍ଟରଟିକୁ ଫ୍ୟାନ୍ସଙ୍କ ପାଇଁ ସେୟାର କରିଛନ୍ତି । ଆଉ କ୍ୟାପ୍ସନରେ ଲେଖିଛନ୍ତି, ‘ଏବର୍ଷ ବିଶ୍ବ ଗଣିତ ଦିବସରେ ସେଲିବ୍ରେଟ କରିବା ସେହି ମହିଳାଙ୍କ ଯୋଗଦାନକୁ, ଯିଏ ଗଣିତକୁ ମଜାଦାର କରିଥିଲେ ।’ ମୋଶନ ପୋଷ୍ଟରରେ ବିଦ୍ୟା ଆଙ୍ଗୁଠିରେ ଗଣିତ ଫର୍ମୁଲା ଧରିଥିବାର ନଜର ଆସୁଛନ୍ତି ।
ଅନ୍ୟପଟେ ଫିଲ୍ମ କ୍ରିଟିକ ତରଣ ଆଦର୍ଶ ମଧ୍ୟ ଏହି ପୋଷ୍ଟରଟିକୁ ସେୟାର କରି ଫିଲ୍ମ ରିଲିଜ ଆସନ୍ତା ବର୍ଷ ହେବ ବୋଲି ସୂଚନା ଦେଇଛନ୍ତି । ଏହାସହ ସେ ଫିଲ୍ମରେ ଅଭିନେତ୍ରୀ ସନୟା ମଲହୋତ୍ରାଙ୍କ ଏଣ୍ଟ୍ରି ହୋଇଛି ବୋଲି ଲେଖିଛନ୍ତି । ସେହିପରି ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଉଛନ୍ତି ଅନୁ ମେନନ ।