ମୁମ୍ବାଇ: ରୋମାଣ୍ଟିକ-କମେଡ଼ି ଫିଲ୍ମରେ ଏକାଠି ନଜର ଆସିବାକୁ ଯାଉଛନ୍ତି ୪ ବଡ଼ କଳାକାର । ଆଧୁନିକ ରିଲେସନସିପ ଉପରେ ଆଧାରିତ ଏହି ଫିଲ୍ମଟି ଶିର୍ଶା ଗୁହା ଠାକୁର୍ତ୍ତା ନିର୍ଦ୍ଦେଶନା ଦେଇଥିବାବେଳେ ଏଥିରେ ବିଦ୍ୟା ବାଲାନ, ଇଲିଆନା ଡି'କ୍ରୁଜ, ପ୍ରତୀକ ଗାନ୍ଧୀ ଓ ସେନ୍ଧିଲ ରାମମୁର୍ଥୀ ଅଭିନୟ କରିଛନ୍ତି । ତେବେ ଏ ସମ୍ପର୍କରେ ଅଭିନେତ୍ରୀ ବିଦ୍ୟା ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରି ସୂଚନା ଦେଇଛନ୍ତି ।
ବିଦ୍ୟା ନିଜ ପୋଷ୍ଟରେ ଲେଖିଛନ୍ତି ଯେ ଏହି ଫିଲ୍ମଟି ଆଧୁନିକ ରିଲେସନସିପ ଉପରେ ଆଧାରିତ । ଯାହାକି ନିଶ୍ଚିତ ଭାବରେ ଆପଣଙ୍କ କିମ୍ବା ଆପଣଙ୍କ ବନ୍ଧୁଙ୍କ କାହାଣୀ ହୋଇଥିବ । ଏହି ଫିଲ୍ମଟି ଆପଣଙ୍କୁ ସମାନ ଭାବରେ ହସାଇବା ସହିତ କନ୍ଦାଇବ ମଧ୍ୟ । ଦିବ୍ୟା ଫିଲ୍ମରେ 'କାବ୍ୟା'ର ରୋଲ ପ୍ଲେ କରି ଅତ୍ୟନ୍ତ ଖୁସି ଥିବା କହିଛନ୍ତି । ଏହି ଫିଲ୍ମକୁ Applause Entertainment ଉପସ୍ଥାପନା କରୁଥିବାବେଳେ 'Tumhari Sulu' ପରେ ଦ୍ବିତୀୟ ଥର ପାଇଁ ପ୍ରଯୋଜକ @ellipsisentertainmentଙ୍କ ସହିତ କାର୍ଯ୍ୟ କରିବାକୁ ଯାଉଛନ୍ତି ।