ହାଇଦ୍ରାବାଦ: ବଲିଉଡ ଅଭିନେତ୍ରୀ ବିଦ୍ୟା ବାଲନଙ୍କ ଫିଲ୍ମ ‘ମିଶନ ମଙ୍ଗଲ’କୁ ନେଇ ଚର୍ଚ୍ଚାରେ । ଆଗକୁ ବିଦ୍ୟାଙ୍କୁ ଗଣିତଜ୍ଞ ଶକୁନ୍ତଳା ଦେବୀଙ୍କ ବାୟୋପିକରେ ନଜର ଆସିବେ । ଏହି ଫିଲ୍ମର ପ୍ରଥମ ଲୁକ ସାମ୍ନାକୁ ଆସିଛି । ଫିଲ୍ମର ନିର୍ମାତା ବିଦ୍ୟାଙ୍କ ଫାଷ୍ଟ ଲୁକ ସେୟାର କରିଛନ୍ତି ।
ବିଦ୍ୟା ଏଥିରେ ଶାଢୀରେ ନଜର ଆସିଛନ୍ତି । ଏହାସହ ବଏକଟ ସହ ସାଉଥ ଇଣ୍ଡିଆନ ଲୁକରେ ମଧ୍ୟ ବିଦ୍ୟାଙ୍କୁ ଦେଖିବାକୁ ମିଳିଛି । ଏହି ଫିଲ୍ମର ସୁଟିଂ ଲଣ୍ଡନରେ ଆରମ୍ଭ ହୋଇଯାଇଛି । ଫିଲ୍ମର ରିଲିଜ ତାରିଖ ଏଯାଏଁ ଘୋଷଣା କରାଯାଇନାହିଁ ।
ପ୍ରକାଶଥାଉକି, ଶକୁନ୍ତଳା ଦେବୀଙ୍କୁ ଗଣିତର ବିଶେଷଜ୍ଞ କୁହାଯାଏ । ‘ହ୍ୟୁମାନ କମ୍ପ୍ୟୁଟର’ ଭାବରେ ପରିଚିତ ଥିଲେ ସେ । ଏପରିକି ଗିନିଜ ୱାର୍ଲ୍ଡ ରେକର୍ଡରେ ତାଙ୍କ ନାମ ସାମିଲ ରହିଛି । ଏହି ଫିଲ୍ମ ପାଇଁ ବିଦ୍ୟା 4 ମାସ ସମୟ ନେଇଥିଲେ ।
