ମୁମ୍ବାଇ: ଫିଲ୍ମ ନିର୍ଦ୍ଦେଶକ ଆଦିତ୍ୟ ଧରଙ୍କ ସୁପରହିଟ୍ ଫିଲ୍ମ 'ଉରି- ଦ ସର୍ଜିକାଲ ଷ୍ଟ୍ରାଇକ'ରେ ମୁଖ୍ୟ ଭୂମିକାରେ ଅଭିନୟ କରିଥିବା ବିକ୍କୀ କୌଶଲ ବର୍ତ୍ତମାନ ବି-ଟାଉନର ଟପ ଅଭିନେତାଙ୍କ ମଧ୍ୟରେ ସାମିଲ ହୋଇସାରିଛନ୍ତି । ତାଙ୍କ ଫ୍ୟାନ୍ସ ସଂଖ୍ୟା ମଧ୍ୟ ଆକାଶଛୁଆଁ । ଇତିମଧ୍ୟରେ ତାଙ୍କ ଫ୍ୟାନ୍ସଙ୍କ ପାଇଁ ଏକ ଖୁସି ଖବର ସାମ୍ନାକୁ ଆସିଛି । କଥାଟି ହେଲା କି ସେ ଐତିହାସିକ କାହାଣୀ 'ମହାଭାରତ'ରେ ଅଶ୍ବତ୍ଥାମା ଭୂମିକାରେ ନଜର ଆସିବେ । ସେ ପୁଣିଥରେ ନିର୍ଦ୍ଦେଶକ ଆଦିତ୍ୟଙ୍କ ଫିଲ୍ମରେ ସାଇନ କରିସାରିଛନ୍ତି ।
'ମହାଭାରତ'ର ପ୍ରଯୋଜନା ଦାୟିତ୍ବ ରୋନୀ ସ୍କ୍ରୁୱାଲା କରିବେ । ବିକ୍କୀ ଏବେ ଫିଲ୍ମର ପ୍ରସ୍ତୁତିରେ ଜୁଟି ଯାଇଛନ୍ତି । ଏହି ଫିଲ୍ମଟି ଏକ ପିରିୟଡ ୱାର ଡ୍ରାମା ହେବା ସହ ବିକ୍କୀ ଏକ ମାୟଥାଲଜିକାଲ କ୍ୟାରେକ୍ଟରେ ପ୍ରଥମଥର ଅଭିନୟ କରିବେ ।