ମୁମ୍ବାଇ: ‘ଉରି’ ଷ୍ଟାର ବିକ୍କୀ କୌଶଲ ପ୍ରଥମଥର ଏମିତି ଏକ ଫିଲ୍ମରେ ନଜର ଆସିବେ, ଯାହାକୁ ନେଇ ଉତ୍ସାହିତ ତାଙ୍କ ଫ୍ୟାନ୍ସ । ସେ ଖୁବଶୀଘ୍ର ଆକ୍ସନ ହରର ଫିଲ୍ମରେ ଅଭିନୟ କରିବାକୁ ଯାଉଛନ୍ତି । ଆଜ୍ଞା ହଁ, ବିକ୍କୀ ଆଜିକାଲି ନିଜର ଆଗାମୀ ଫିଲ୍ମ ‘ଭୂତ୍’ କୁ ନେଇ ଖୁବ୍ ଏକ୍ସାଇଟେଡ । ଇତିମଧ୍ୟରେ ଦର୍ଶକଙ୍କ ଏକ୍ସାଇଟମେଣ୍ଟ ବଢାଇବା ପାଇଁ ମେକର୍ସ ‘ଭୂତ୍’ ଫିଲ୍ମର ନୂଆ ପୋଷ୍ଟର ଜାରି କରିଦେଇଛନ୍ତି । ଧର୍ମା ପ୍ରଡକ୍ସନରେ ନିର୍ମାଣ ହେଉଥିବା ଏହି ଫିଲ୍ମର ପୋଷ୍ଟରକୁ ଲୋକପ୍ରିୟ ନିର୍ମାତା କରନ ଜୋହର ସୋସିଆଲ ମିଡିଆରେ ଫ୍ୟାନ୍ସଙ୍କ ପାଇଁ ସେୟାର କରିଛନ୍ତି ।
ଜାରି ହୋଇଥିବା ପୋଷ୍ଟରଟି ଖୁବ୍ ଭୟାନକ ହୋଇଛି । ଯେଉଁଥିରେ ବିକ୍କୀ ପାଣି ଭିତରେ ବୁଡୁଥିବାର ନଜର ଆସୁଛନ୍ତି । ଆଉ ତାଙ୍କୁ ପଛରୁ ଭୂତୁଣୀ ଧରିଥିବାର ଦେଖାଯାଉଛି । ଗତ ସପ୍ତାହରେ ବିକ୍କୀ ‘ଭୂତ୍’ ର ସୁଟିଂ ଶେଷ କରିଥିଲେ ।