ମୁମ୍ବାଇ:କିଛି ଦିନ ଧରି ବିବାହକୁ ନେଇ ଚର୍ଚ୍ଚାରେ ରହିଛନ୍ତି ବଲିଉଡ଼ ଷ୍ଟାର ବିକି କୌଶଲ ଓ କ୍ୟାଟ୍ରିନା କୈଫ । ବର୍ତ୍ତମାନ ଦିୱାଲି ସଗୁନକୁ ନେଇ ପୁଣି ଚର୍ଚ୍ଚାରେ ୨ ଷ୍ଟାର । ବିକିଙ୍କ ମା' ବିନା କୌଶଲ କ୍ୟାଟ୍ରିନାଙ୍କୁ ସଗୁନ ପଠାଇଥିବା ଚର୍ଚ୍ଚା ହେଉଛି । ଏଥିରେ କ୍ୟାଟ୍ରିନାଙ୍କ ମନପସନ୍ଦ ଜିନିଷ ରହିଥିବା ବେଳେ ଏହାକୁ ନିଜ ହାତରେ ବିନା ତିଆରି କରିଥିବା ଜଣାପଡ଼ିଛି ।
ଚଳିତ ବର୍ଷ ଦିୱାଲି କ୍ୟାଟଙ୍କ ପାଇଁ ରହିଥିଲା ବେଶ ଖାସ୍ । କାରଣ ଥିଏଟରରେ ଫିଲ୍ମ 'ସୂର୍ଯ୍ୟବଂଶୀ' ରିଲିଜ ହୋଇଥିବା ବେଳେ ସେପଟେ ଡିସେମ୍ବରରେ ବିକିଙ୍କୁ ବିବାହ କରିବାକୁ ଯାଉଛନ୍ତି କ୍ୟାଟ୍ । ଏହାରି ମଧ୍ୟରେ ବିକିଙ୍କ ମା' ବିନା ଦିୱାଲି ସଗୁନ ପଠାଇ କ୍ୟାଟ୍ଙ୍କ ଦିୱାଲି ସେଲିବ୍ରେସନକୁ କରିଛନ୍ତି ଆହୁରି ଖାସ୍ । ତେବେ ଭାରତୀୟ ପରମ୍ପରା ଅନୁଯାୟୀ ଭାବି ବୋହୂ କିମ୍ବା ଜ୍ବାଇଁଙ୍କ ପାଇଁ ଦିୱାଲି ସଗୁନ ପଠାଯାଏ । ତେବେ ବାହାଘର ତାରିଖ ଧାର୍ଯ୍ୟ ପରେ ଏହି ପରମ୍ପରା ପାଳିତ ହୁଏ । କ୍ୟାଟ୍ରିନାଙ୍କ ପାଇଁ ବିକିଙ୍କ ଘରୁ ଏହି ସଗୁନ ଯାଇଥିଲା ବୋଲି ସୂଚନା ମିଳିଛି ।