ମୁମ୍ବାଇ: ଅଭିଷେକ ବର୍ମନଙ୍କ ମଲ୍ଟି ଷ୍ଟାରର ଫିଲ୍ମ 'କଲଙ୍କ' ଏପ୍ରିଲ 17ରେ ରିଲିଜ ହେବାକୁ ଯାଉଛି । ଏହି ଫିଲ୍ମର ଟିଜରକୁ ଠିକଠାକ୍ ଦର୍ଶକଙ୍କ ପ୍ରତିକ୍ରିୟା ମିଳିଥିଲା । କିନ୍ତୁ ନିକଟରେ ରିଲିଜ ହୋଇଥିବା ଏହାର ଟ୍ରେଲରକୁ ଦର୍ଶକ ଖୁବ୍ ପସନ୍ଦ କରିଥିଲେ । ଫିଲ୍ମରେ ବଡ ବଡ ଷ୍ଟାର୍ସଙ୍କୁ ଏକାଠି ଦେଖିବାକୁ ମିଳିବ ସତ । କିନ୍ତୁ 'କଲଙ୍କ'ର 9 ଦିନ ପରେ ରିଲିଜ ହେବାକୁ ଥିବା ହଲିଉଡର ଚର୍ଚ୍ଚିତ ଫିଲ୍ମ 'ଆଭେଞ୍ଜର୍ସ ଏଣ୍ଡଗେମ' ଏହାକୁ କଡା ଟକ୍କର ଦେବାକୁ ଯାଉଛି । କାରାଣ ଦର୍ଶକ ଗତ ବର୍ଷରୁ ଏହି ହଲିଉଡ ଫିଲ୍ମକୁ ଦେଖିବାକୁ ଅପେକ୍ଷା କରିଆସୁଛନ୍ତି ।
ବକ୍ସ ଅଫିସରେ 'କଲଙ୍କ'କୁ ମିଳିବାକୁ ଯାଉଥିବା ଏହି କମ୍ପିଟିଶନ ଉପରେ ଯେତେବେଳେ ବରୁଣଙ୍କୁ ପ୍ରଶ୍ନ କରାଯାଇଥିଲା । ଏହାର ଜବାବ ବରୁଣ କୁଲ ଅନ୍ଦାଜରେ ଦେଇଥିଲେ । ସେ କହିଥିଲେ କି 'କଲଙ୍କ'ର 9 ଦିନ ପରେ 'ଆଭେଞ୍ଜର୍ସ ଏଣ୍ଡଗେମ' ରିଲିଜ ହେବ । ଏହି 9 ଦିନ ଏହା ସାବ୍ୟସ୍ତ କରିବାକୁ ଖୁବ୍ ଅଧିକା କି ଦର୍ଶକଙ୍କୁ ଫିଲ୍ମ ପସନ୍ଦ ଆସୁବ କି ନାହିଁ ।