ମୁମ୍ବାଇ: ହ୍ୟାଣ୍ଡସମ ବରୁଣ ଧୱନ ଆଜିକାଲି ନିଜର ଆଗାମୀ ଫିଲ୍ମକୁ ନେଇ ଖୁବ୍ ବ୍ୟସ୍ତ । ନିକଟରେ ସେ ‘ଷ୍ଟ୍ରିଟ ଡାନ୍ସର 3ଡି’ର ସୁଟିଂ ଶେଷ କରିଥିବା ବେଳେ ଏବେ ସେ ‘କୁଲି ନଂ-1’ ରିମେକ ଫିଲ୍ମର ସୁଟିଂରେ ଲାଗିପଡିଛନ୍ତି । ଆଉ ଯେତେବେଳେ ମଧ୍ୟ ସମୟ ପାଇଛନ୍ତି ସେ ନିଜ ଝିଆରିଙ୍କ ସହ ମସ୍ତି କରୁଥିବାର ନଜର ଆସୁଛନ୍ତି । ଇତିମଧ୍ୟରେ ସେ ଝିଆରିଙ୍କ ସହ ଏକ ଭିଡିଓ ଇନଷ୍ଟାଗ୍ରାମରେ ସେୟାର କରିଛନ୍ତି । ଯେଉଁଥିରେ ସେ ବଡ ଭାଇ ରୋହିତ ଧୱନଙ୍କ ଝିଅ ତଥା ଝିଆରିଙ୍କୁ କାନ୍ଧରେ ବସାଇ ନାଚୁଛନ୍ତି ।
ସବୁଠାରୁ ମଜାଦାର କଥା ହେଲା କି ସବୁବେଳେ ସୋସିଆଲ ମିଡିଆରେ ଆକ୍ଟିଭ ରହୁଥିବା ଅଭିନେତା ଅର୍ଜୁନ କପୁର ବରୁଣଙ୍କ ଭିଡିଓ ଦେଖି ନିଜକୁ ଆଉ ରୋକିପାରିଲେ ନାହିଁ । ଆଉ ସଙ୍ଗେ ସଙ୍ଗେ କମେଣ୍ଟ କରିବାରେ କରି ଲେଖିଛନ୍ତି, ‘ଚାଚୁ ନଂ-1’ ।