ବୋନିଙ୍କ ସମର୍ଥନରେ ଉର୍ବଶୀ

ସୋସିଆଲ ମିଡିଆରେ ଘୁରିବୁଲୁଛି ଅଭିନେତ୍ରୀ ଉର୍ବଶୀ ରୌତେଲା ଓ ବୋନି କପୁରଙ୍କ ଏକ ଭିଡିଓ । ଯାହାକୁ ଆଧାର କରି ୟୁଜର୍ସ ଟ୍ରୋଲ କରିବାରେ ଲାଗିଛନ୍ତି । ଇତିମଧ୍ୟରେ ବୋନିଙ୍କୁ ସପୋର୍ଟ କରି ଟ୍ରୋଲର୍ସଙ୍କୁ ଜବାବ ଦେଇଛନ୍ତି ଉର୍ବଶୀ ।

ନୂଆଦିଲ୍ଲୀ: ବଲିଉଡ ହଟ୍ ଆକ୍ଟ୍ରେସ ଉର୍ବଶୀ ରୌତେଲା ପୁଣିଥରେ ଚର୍ଚ୍ଚାରେ ଆସିଛନ୍ତି । ଫିଲ୍ମ ନିର୍ମାତା ବୋନି କପୁରଙ୍କ ସହ ତାଙ୍କର ଏକ ଭିଡିଓ ଭାଇରାଲ ହେଲା ପରେ ସେ ସୋସିଆଲ ମିଡିଆରେ ନିଜ ଆପତ୍ତି ପ୍ରକାଶ କରିଛନ୍ତି । ଜଣାଇ ଦେଉଛୁ ଯେ ଏକ ପାର୍ଟି ରିସେପ୍ସନ ସମୟରେ ଉର୍ବଶୀ ଓ ବୋନି ଏକାଠି ନଜର ଆସିଥିଲେ । ଯେଉଁଠାରେ ବୋନିଙ୍କ ହାତ ଉର୍ବଶୀଙ୍କ ଅଣ୍ଟା ପାଖରେ ଦେଖାଯାଇଥିଲା । ଏହାପରେ ଆଉ କଣ ଥିଲା ସୋସିଆଲ ମିଡିଆରେ ଭିଡିଓଟିକୁ ସେୟାର କରାଯାଇ ବୋନିଙ୍କୁ ଟ୍ରୋଲ କରିବା ଆରମ୍ଭ କରିଦେଇଥିଲେ ଟ୍ରୋଲର୍ସ ।

ଫଟୋ ସୌଜନ୍ୟ: ସୋସିଆଲ ମିଡିଆ

ଯାହାର ଜବାବ ଏବେ ଦେଇଛନ୍ତି ଉର୍ବଶୀ । କଥାଟି ହେଲା କି ସୋସିଆଲ ମିଡିଆରେ ୟୁଜର୍ସ ବୋନିଙ୍କ ଦ୍ବାରା ଉର୍ବଶୀଙ୍କୁ ଟଚ୍ କରିବା ଉପରେ ଆପତ୍ତି ଦେଖାଇଛନ୍ତି । ଇଭେଣ୍ଟ ସମୟରେ ଯେତେବେଳେ ବୋନି ଓ ଉର୍ବଶୀ ସାମ୍ନାସାମ୍ନି ହୋଇଥିଲେ, ଦୁଇଜଣଙ୍କ ମଧ୍ୟରେ କିଛି ସେକେଣ୍ଡ ପାଇଁ କଥାବାର୍ତ୍ତା ଚାଲିଥିଲା । ଦୁଇଜଣ ଫଟୋ ସେଶନରେ ମଧ୍ୟ ଏକାଠି ଠିଆ ହୋଇଥିବା ଦେଖାଯାଇଛନ୍ତି । ସେହି ସମୟରେ ବୋନିଙ୍କ ହାତ ଉର୍ବଶୀଙ୍କ ଅଣ୍ଟା ପାଖରେ ନଜର ଆସିଥିଲା । ଏହାପରେ ସୋସିଆଲ ମିଡିଆ ୟୁଜର୍ସ ଏହାକୁ ନେଇ କରିଥିଲେ ଖୁବ୍ ମଜାମସ୍ତି ।

ସୋସିଆଲ ମିଡିଆରେ ଭିନ୍ନ ଭିନ୍ନ କମେଣ୍ଟ ଦେଖିବା ପରେ ଉର୍ବଶୀ ଖୁବ୍ ରାଗିଯାଇଥିଲେ । ସେ ଏହାର ଜବାବ ଦେଇ ସୋସିଆଲ ମିଡିଆରେ ବୋନିଙ୍କ ସମର୍ଥନ କରିଥିଲେ । ସେ ଲେଖିଥିଲେ କି ସୋସିଆଲ ମିଡିଆରେ ତାଙ୍କୁ ଓ ସମ୍ମାନିତ ବୋନି ସାରଙ୍କ ଭିଡିଓକୁ ଆଧାର କରି ଟ୍ରୋଲର୍ସଙ୍କ ବନ୍ୟା ଆସିଯାଇଛି । ସେ ଜଣେ ଟ୍ରୁ ଜେଣ୍ଟଲମ୍ୟାନ । ଏପରି କଥାରେ ଖୁବ୍ ଦୁଃଖ ଅନୁଭବ ହେଉଛି । ସୋସିଆଲ ମିଡିଆରେ ଏଭଳି କରିବା ପୂର୍ବରୁ କେହି ମଧ୍ୟ ଦ୍ବିତୀୟଥର ଭାବୁନାହାଁନ୍ତି ।