ଘୋଡା ସବାରୀରେ ବ୍ୟସ୍ତ ବିକ୍କୀ

ଭାଇରାଲ ହେଲା ବିକ୍କୀଙ୍କ ନୂଆ ଭିଡିଓ । ନିଜର ଆଗାମୀ ପ୍ରୋଜେକ୍ଟ ପାଇଁ ନେଉଛନ୍ତି ଏହି ଟ୍ରେନିଂ । ଅଧିକ ପଢନ୍ତୁ...

ମୁମ୍ବାଇ: କରନ ଜୋହରଙ୍କ ଆଗାମୀ ମଲ୍ଟୀ ଷ୍ଟାରରଙ୍କ ଫିଲ୍ମ ‘ତଖ୍ତ’ରେ ନଜର ଆସିବେ ‘ଉରି’ ଫେମ ବିକ୍କୀ କୌଶଲ । ଏହି ପିଡିୟଡ ଡ୍ରାମା ଫିଲ୍ମ ପାଇଁ ତାଙ୍କୁ ଘୋଡା ସବାରୀର ଟ୍ରେନିଂ ଗତବର୍ଷ ନେବାକୁ ପଡିଥିଲା । ହେଲେ କୋରୋନା ଭୟ ପାଇଁ ଟ୍ରେନିଂ ଅଧାରେ ବନ୍ଦ କରିଦେଇଥିଲେ ଅଭିନେତା । ଇତିମଧ୍ୟରେ ପୁଣିଥରେ ଆରମ୍ଭ କରିଦେଇଛନ୍ତି ଘୋଡା ସବାରୀ ।

ଯାହାର ଭିଡିଓ ସେ ବୁଧବାର ସକାଳେ ସେୟାର କରି ଲେଖିଛନ୍ତି, ‘ୱାକ୍ ଆଣ୍ଡ ଟ୍ରୋଟ୍, ବ୍ୟାକ ଟୁ ବେଶିକ୍ ।’ ହେଲେ ‘ତଖ୍ତ’ ପାଇଁ ସେ ଘୋଡା ସବାରୀର ଟ୍ରେନିଂ ନେଉଛନ୍ତି କି ନାହିଁ ତାନେଇ କୌଣସି ଖୁଲାସା କରିନାହାଁନ୍ତି ।

ହେଲେ ଗତ ବର୍ଷ ଜାନୁଆରୀରେ ଏହି ଫିଲ୍ମ ପାଇଁ ଘୋଡା ସବାରୀର ଟ୍ରେନିଂ ନେବା କଥା କହିଥିଲେ ସେ । ଯଦି ‘ତଖ୍ତ’ରେ ତାଙ୍କ ଭୂମିକା ବିଷୟରେ କଥା ହେବା ତେବେ ସେ ମୋଗଲ ଶାସକ ଔରଙ୍ଗଜେବ ଅବତାରରେ ନଜର ଆସିବେ । ତାଙ୍କ ବ୍ୟତୀତ ଏହି ଫିଲ୍ମ ଅନିଲ କପୁର, ରଣବୀର ସିଂ, କରୀନା କପୁର ଖାନ ଓ ଜାହ୍ନବୀ କପୁରଙ୍କୁ ଦେଖିବାକୁ ମିଳିବ।

ବ୍ୟୁରୋ ରିପୋର୍ଟ,ଇଟିଭି ଭାରତ