ମୁମ୍ବାଇ: ଥମୁନି ତାଣ୍ଡବ ବିବାଦ । ବିବାଦ ଘେରରେ ଆମାଜନ୍ ପ୍ରାଇମରେ ରିଲିଜ୍ ହୋଇଥିବା ୱେବ ସିରିଜ୍ 'ତାଣ୍ଡବ' । ତାଣ୍ଡବର କିଛି ସିନକୁ ନେଇ ଦର୍ଶକମାନେ ସୋସିଆଲ ମିଡିଆରେ ଉତ୍ତେଜନା ସୃଷ୍ଟି କରୁଛନ୍ତି । ଗତ କିଛିଦିନ ତଳେ ଉତ୍ତରପ୍ରଦେଶରେ ୱେବ୍ ସିରିଜ୍ ‘ତାଣ୍ଡବ’ର ନିର୍ଦ୍ଦେଶକ ଅଲ୍ଲୀ ଅବାସ ଜଫରଙ୍କ ବିରୋଧରେ ଏକ ମାମଲା ରୁଜ୍ଜୁ କରାଯାଇଥିଲା । ଏହାକୁ ନେଇ ବର୍ତ୍ତମାନ ଉତ୍ତର ପ୍ରଦେଶ ପୋଲିସ ନିର୍ଦ୍ଦେଶକ ଅଲ୍ଲୀ ଅବାସଙ୍କ ଘରେ ଏକ ନୋଟିସ୍ ଲଗାଇଛି ।
ଏହି ନୋଟିସରେ ଅଲ୍ଲୀଙ୍କୁ 27 ଜାନୁଆରୀରେ ହାଜର ହେବାକୁ କୁହାଯାଇଛି । ଉତ୍ତରପ୍ରଦେଶ ପୋଲିସ ଅଧିକାରୀ ଅନିଲ କୁମାର ସିଂ କହିଛନ୍ତି ଯେ, ଆମେ ତାଙ୍କୁ ଜାନୁଆରୀ 27ରେ ଲକ୍ଷ୍ନୌରେ ଆଇଓ (ଇନଭେଷ୍ଟିଗେଟିଙ୍ଗ ଅଫିସର)ଙ୍କ ନିକଟରେ ହାଜର ହେବାକୁ କହିଛୁ । ତାଙ୍କ ଘର ବନ୍ଦ ଥିଲା ଏବଂ ସେଠାରେ କେହି ନଥିଲେ, ତେଣୁ ଆମେ ସେଠାରେ ନୋଟିସ୍ ଲଗାଇଛୁ ।