ହାଇଦ୍ରାବାଦ: ଶନିବାର ଅଭିନେତା ଆମୀର ଖାନ ଓ ପ୍ରଯୋଜିକା ତଥା ନିର୍ଦ୍ଦେଶିକା କିରଣ ରାଓ 15 ବର୍ଷ ବିବାହ ବନ୍ଧନରୁ ମୁକ୍ତ ହେବା ପାଇଁ ନିଷ୍ପତ୍ତି ନେଇଛନ୍ତି । ସୋସିଆଲ ମିଡିଆ ପୋଷ୍ଟରେ ଉଭୟ ବୟାନ ଦେଇଛନ୍ତି ଯେ ସେମାନେ ତାଙ୍କ ପୁଅର ମାତା ପିତା ଓ ପରସ୍ପର ପାଇଁ ପରିବାର ଭାବେ ରହି ଜୀବନର ନୂତନ ଅଧ୍ୟାୟ ଆରମ୍ଭ କରିବେ । ଡିସେମ୍ବର 2005ରେ ଉଭୟ ବିବାହ କରିଥିବା ବେଳେ ଡିସେମ୍ବର 2011ରେ ସେମାନ ପୁତ୍ର ସନ୍ତାନ ଆଜାଦ ରାଓ ଖାନଙ୍କ ମାତା-ପିତା ହୋଇଥିଲେ ।
ତେବେ ବିବାହ ବିଚ୍ଛେଦ ପରେ ସୋସିଆଲ ମିଡିଆରେ ଆମୀରଙ୍କୁ କରାଯାଉଛି ପ୍ରବଳ ଟ୍ରୋଲ୍ । ପୂର୍ବରୁ ପ୍ରଥମ ପତ୍ନୀ ରିନା ଦତ୍ତାଙ୍କୁ ଛାଡପତ୍ର ଦେଇ କିରଣଙ୍କୁ ବିବାହ କରିଥିବା ଆମୀର ଫ୍ୟାନ୍ସଙ୍କ ଆକ୍ରୋଶର ଶିକାର ହୋଇଛନ୍ତି । ଟ୍ବିଟରରେ #LoveJihad, #FatimaSanaShaikh, #Divorce ଇତ୍ୟାଦି ଟ୍ରେଣ୍ଡ କରୁଛି ।