ମୁମ୍ବାଇ: ଖିଲାଡି ଅକ୍ଷୟ କୁମାରଙ୍କ ପତ୍ନୀ ତଥା ଅଭିନେତ୍ରୀ ଟ୍ବିଙ୍କଲ ଖାନ୍ନା ସବୁବେଳେ ସୋସିଆଲ ମିଡିଆରେ ଆକ୍ଟିଭ ରୁହନ୍ତି । ସାମାଜିକ ଓ ରାଜନୈତିକ ପ୍ରସଙ୍ଗରେ ସେ ନିଜ ମତ ରଖିବାକୁ କେବେ ମଧ୍ୟ ପଛ ଘୁଞ୍ଚା ଦିଅନ୍ତି ନାହିଁ । ନିଜର ମଜାକ ଉଡାଇବା ଓ ବ୍ୟକ୍ତିଗତ ଜୀବନ ସହ ସମ୍ପୃକ୍ତ ଥିବା ଅନେକ କାହାଣୀ ସେ ପ୍ରଶଂସକଙ୍କ ସହ ସେୟାର କରିବାକୁ ଭଲ ପାଆନ୍ତି । ଯାହାପାଇଁ ସେ ଅନେକଥର ଚର୍ଚ୍ଚାରେ ଆସିସାରିଲେଣି ।
ବୁଧବାର ଏମିତି କିଛି ଦେଖିବାକୁ ମିଳିଛି । ସେ ଏକ ଫଟୋ ଇନଷ୍ଟାଗ୍ରାମରେ ସେୟାର କରିଛନ୍ତି । ଯେଉଁଥିରେ ତାଙ୍କ ପଛରେ ଏକ ପୋଲିସ ଗାଡି ଥିବାର ନଜର ଆସୁଛି । ଫଟୋ ସହ ଟ୍ବିଙ୍କଲ ନିଜ ଲାଡଲା ଆରବଙ୍କ ବିଷୟରେ ଏମିତି ସୂଚନା ଦେଇଛନ୍ତି ଯାହା ଶୁଣି ଫ୍ୟାନ୍ସ ଆଶ୍ଚର୍ଯ୍ୟ ହେବା ସହ ଖୁବ୍ ହସିଛନ୍ତି ମଧ୍ୟ ।