ମୁମ୍ବାଇ: ଦୀର୍ଘ ସମୟରୁ ଚର୍ଚ୍ଚା ଜୋର ଧରିଥିଲା ଯେ ଟିଭିର ଲୋକପ୍ରିୟ ଅଭିନେତ୍ରୀ ଶ୍ବେତା ତିୱାରୀଙ୍କ ଲାଡଲୀ ପଲକ ବଲିଉଡରେ ଡେବ୍ୟୁ କରିବେ । ଫିଲ୍ମ ବ୍ୟତୀତ ଫେମସ ନିର୍ମାତା ଏକତା କପୁରଙ୍କ ଶୋରେ ବି ତାଙ୍କ ଡେବ୍ୟୁକୁ ନେଇ ଖବର ସାମ୍ନାକୁ ଆସିଥିଲା । ଇତିମଧ୍ୟରେ ଫ୍ୟାନ୍ସଙ୍କ ଅପେକ୍ଷାର ଅନ୍ତ ଘଟିଛି । ବର୍ତ୍ତମାନ ଖୁଲାସା ହୋଇଯାଇଛି ପଲକଙ୍କୁ ଫିଲ୍ମରେ ଲଞ୍ଚ କରାଇବାକୁ ଯାଉଛନ୍ତି ଫେମସ ଅଭିନେତା ବିବେକ ଓବରାୟ ।
ଏହି ଅବସରରେ ବିବେକ ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରି ଲେଖିଛନ୍ତି, ‘ଏ ହେଉଛନ୍ତି ଆମର ମିଷ୍ଟ୍ରି ଗାର୍ଲ । ପଲକଙ୍କୁ ଆମ ଫିଲ୍ମରେ ରୋଜି ରୋଲରେ କାଷ୍ଟ କରି ଖୁସି ଅନୁଭବ ହେଉଛି । ଆମର ହରର ଥ୍ରୀଲର ଫ୍ରାଞ୍ଚାଇଜ ଗୁରୁଗ୍ରାମର ବାସ୍ତବ କାହାଣୀ ଉପରେ ଆଧାରିତ ଫିଲ୍ମ।’