ଶାଶୁ-ଶ୍ବଶୁରଙ୍କ ସହ ଦିବ୍ୟାଙ୍କାଙ୍କ ପ୍ରଥମ ଡେଟ ନାଇଟ, ଭାଇରାଲ ଫଟୋ

ଟିଭିର ବୋହୂ ଦିବ୍ୟାଙ୍କା ବର୍ତ୍ତମାନ ରିୟଲ ଲାଇଫରେ ଶାଶୁ-ଶ୍ବଶୁରଙ୍କ ସହ ସମୟ ବିତାଉଥିବାର ନଜର ଆସୁଛନ୍ତି । ଅଧିକା ପଢନ୍ତୁ...

ମୁମ୍ବାଇ: ଲୋକପ୍ରିୟ ଅଭିନେତ୍ରୀ ଦିବ୍ୟାଙ୍କା ତ୍ରିପାଠୀ ଓ ତାଙ୍କ ସ୍ବାମୀ ବିବେକ ଦହିୟାଙ୍କ ସମସ୍ତେ ଦିୱାନା । ଏହି ଯୋଡି ଟିଭି ଇଣ୍ଡଷ୍ଟ୍ରିର ପାୱାର କପଲ ମଧ୍ୟରେ ଅନ୍ୟତମ । ଯାହାକୁ ସବୁବେଳେ ଏକାଠି ଦେଖିବାକୁ ଉତ୍ସାହିତ ଥାଆନ୍ତି ଦର୍ଶକ । ଦିବ୍ୟାଙ୍କା ସବୁବେଳେ ବିବେକଙ୍କ ସହ ଫଟୋ, ଭିଡିଓ ସେୟାର କରି ଫ୍ୟାନ୍ସଙ୍କ ମନୋରଞ୍ଜନ କରିଥାଆନ୍ତି । ହେଲେ ଏଥର ସେ ସ୍ବାମୀଙ୍କ ସହ ନୁହେଁ ଶାଶୁ-ଶ୍ବଶୁରଙ୍କ ସହ ଡେଟ ନାଇଟରେ ଯାଇଛନ୍ତି । ଯାହାର କିଛି ଶାନଦାର ଫଟୋ ସେ ସୋସିଆଲ ମିଡିଆରେ ମଧ୍ୟ ସେୟାର କରିଛନ୍ତି ।

ଇନଷ୍ଟାଗ୍ରାମରେ ଶାଶୁ-ଶ୍ବଶୁରଙ୍କ ସହ ଫଟୋ ପୋଷ୍ଟ କରି ଲେଖିଛନ୍ତି, ‘ଆମର ପ୍ରଥମ ଡେଟ ନାଇଟ । ପିଜ୍ଜା ଓ ଅସରନ୍ତି କଥାବାର୍ତ୍ତା ।’ ସେହିପରି ଫଟୋରେ ପୁରା ପରିବାର ହସୁଥିବାର ନଜର ଆସୁଛନ୍ତି ।

ଏହାବ୍ୟତୀତ ସେ ଶାଶୁଙ୍କ ସହ ଏକ ଭିଡିଓ ମଧ୍ୟ ସେୟାର କରିଛନ୍ତି । ଯେଉଁଥିରେ ଦୁଇଜଣ ପରସ୍ପର ରୋଲକୁ ଏକ୍ସଚେଞ୍ଜ କରିଥିବାର ଦେଖାଯାଉଛନ୍ତି । ଶାଶୁ ବୋହୂ ଭୂମିକାରେ ମୋବାଇଲରେ ନ୍ୟୁଜ ଦେଖୁଥିବାବେଳେ ବୋହୂ ଶାଶୁଙ୍କ ଭୂମିକାରେ ନ୍ୟୁଜ ପେପର ପଢୁଥିବାର ନଜର ଆସୁଛନ୍ତି ।