ମୁମ୍ବାଇ: ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ମାମଲାରେ କିଛି ଦିନରୁ ମୁମ୍ବାଇ ପୋଲିସ ସହ ବିହାର ପୋଲିସ ମିଶି ତଦନ୍ତ ଆରମ୍ଭ କରିଥିଲେ । ହେଲେ ତାଙ୍କ ମୃତ୍ୟୁ ପରଠୁ ଦୀର୍ଘ ସମୟରୁ ସିବିଆଇ ଯାଞ୍ଚ ଦାବି ହୋଇଆସୁଛି । ପରିଶେଷରେ ଅନେକ ଯୁକ୍ତିତର୍କ ପରେ ଏବେ ସିବିଆଇ ଯାଞ୍ଚ ପାଇଁ ବିହାର ସରକାରଙ୍କ ଅନୁରୋଧକୁ କେନ୍ଦ୍ର ଗ୍ରହଣ କରିଛନ୍ତି । ଏହି ଖବର ବର୍ତ୍ତମାନ ସୁଶାନ୍ତଙ୍କ ଫ୍ୟାନ୍ସଙ୍କ ମୁହଁରେ ହସ ଫୁଟାଇଛି। ନିକଟରେ ବିହାରର ମୁଖ୍ୟମନ୍ତ୍ରୀ ନୀତିଶ କୁମାର ନିକଟରେ ସିବିଆଇ ଯାଞ୍ଚ ପାଇଁ ଦାବି କରିଥିଲେ । କେନ୍ଦ୍ରର ଏହି ନିଷ୍ପତ୍ତି ପରେ ସୁଶାନ୍ତଙ୍କ ଏକ୍ସଗାର୍ଲଫ୍ରେଣ୍ଡ ତଥା ଟିଭିର ଫେମସ ଅଭିନେତ୍ରୀ ଅଙ୍କିତା ଲୋଖଣ୍ଡେ ନିଜ ଖୁସି ସୋସିଆଲ ମିଡିଆରେ ପ୍ରକାଶ କରିଛନ୍ତି ।
ସୁଶାନ୍ତଙ୍କ ସହ 7 ବର୍ଷ ରିଲେସନଶିପରେ ଥିବା ଅଙ୍କିତା ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରି ଲେଖିଛନ୍ତି, ‘ଯେଉଁ ମୂହୁର୍ତ୍ତକୁ ଆମେ ଚାହୁଁଥିଲେ ତାହା ପରିଶେଷରେ ଆସିଯାଇଛି।’ ତାଙ୍କ ଏହି ପୋଷ୍ଟରେ ଟିଭିର ଅନେକ କଳାକାର ନିଜ ନିଜର ପ୍ରତିକ୍ରିୟା ଦେଇଛନ୍ତି। ଏହି କ୍ରମରେ ସାମିଲ ଅଛନ୍ତି ଦଲଜିତ କୌର, ନନ୍ଦିଶ ସାନ୍ଧୁ ଭଳି କଳାକାର ।