‘ଜି ରିସ୍ତେ ଆୱାର୍ଡସ 2020’ରେ ସୁଶାନ୍ତଙ୍କୁ ଶ୍ରଦ୍ଧାଞ୍ଜଳି ଦେବେ ଅଙ୍କିତା

ଏମାସ ଶେଷ ଶନିବାର ପ୍ରସାରଣ ହେବାକୁ ଯାଉଛି ‘ଜି ରିସ୍ତେ ଆୱାର୍ଡସ 2020’ । ଯେଉଁଥିରେ ସୁଶାନ୍ତଙ୍କୁ ମନେ ପକାଇବେ ସମସ୍ତେ । ଅଧିକ ପଢନ୍ତୁ...

ମୁମ୍ବାଇ: ଜି ଟିଭି ଲକଡାଉନ ସମୟରେ ଦର୍ଶକଙ୍କ ମଧ୍ୟରେ ଖୁସି ବିସ୍ତାର କରିବାକୁ ଚେଷ୍ଟା ଚଳାଇଥିଲା । ଜୁଲାଇରେ ସିରିଏଲର ପୁନଃ ସୁଟିଂ ଆରମ୍ଭ ହେବା ମାତ୍ରେ ଚ୍ୟାନେଲ କିଛି ଅତ୍ୟାଧୁନିକ ଶୋ ମଧ୍ୟ ପ୍ରଦାନ କରିଥିଲା ​। ବର୍ତ୍ତମାନ ବର୍ଷର ସେହି ସମୟ ଆସିଯାଇଛି ଯେତେବେଳେ ଏହି ସିରିଏଲ ନିର୍ମାଣ କରିଥିବା ଏବଂ ଏଥିରେ କାମ କରୁଥିବା କଳାକାରଙ୍କୁ ସଲାମ ଦିଆଯିବ । ଏହି ଖୁସିର ସମାରୋହ ତଥା ବଡ କାର୍ଯ୍ୟକ୍ରମ ‘ଜି ରିସ୍ତେ ଆୱାର୍ଡସ 2020’ ଏବର୍ଷର ଶେଷ ଶନିବାରରେ ପ୍ରସାରଣ ହେବାକୁ ଯାଉଛି । ଆୱାର୍ଡ୍ସର ସୁଟିଂ ସମୟରେ ସମସ୍ତଙ୍କ ନଜର ଅଭିନେତ୍ରୀ ଅଙ୍କିତା ଲୋଖଣ୍ଡେଙ୍କ ଉପରେ ଥିଲା । ସମସ୍ତେ ଆଶା କରୁଛନ୍ତି ଯେ ତାଙ୍କ ଏହି ପ୍ରସ୍ତୁତି ଦର୍ଶକଙ୍କୁ ପସନ୍ଦ ଆସିବ । ଏହାସହ ନିଜ ଏକ୍ସ-ବୟଫ୍ରେଣ୍ଡ ତଥା ଦିବଙ୍ଗତ ଅଭିନେତା ସୁଶାନ୍ତଙ୍କୁ ଶ୍ରଦ୍ଧାଞ୍ଜଳି ଦେବେ ଅଙ୍କିତା ।

‘ପବିତ୍ର ରିସ୍ତା’ରେ ଅଙ୍କିତାଙ୍କ କୋ-ଷ୍ଟାର ମଧ୍ୟ ଥିଲେ ସୁଶାନ୍ତ । ଆଉ ଏହି ଆୱାର୍ଡ୍ସ ଶୋ ମଞ୍ଚରେ ଅଙ୍କିତା ‘ପବିତ୍ର ରିସ୍ତା’ର ଭୂମିକା ଅର୍ଚ୍ଚନା ହୋଇ ପ୍ରଦର୍ଶନ କରିବେ । ଏହାସହ ସେ ସୁଶାନ୍ତଙ୍କୁ ଶ୍ରଦ୍ଧାଞ୍ଜଳି ଦେଇ ତାଙ୍କ ଅଭିନୀତ କିଛି ଫିଲ୍ମର ଝଲକ ସମସ୍ତଙ୍କୁ ଦେଖାଇବେ । ହେଲେ ମୁଖ୍ୟ କଥା ହେଲା ଯେ ଅଙ୍କିତା ପରଫର୍ମ କରୁଥିବା ସମୟରେ ସୁଶାନ୍ତଙ୍କୁ ମନେ ପକାଇ କାନ୍ଦିଛନ୍ତି ମଧ୍ୟ ।

ଆଉ ତାଙ୍କ ବିଷୟରେ ଆଲୋଚନା କରି କହିବେ, ‘ପବିତ୍ର ନୁହେଁ ଅମର ଆମର ସମ୍ପର୍କ । ଆମେ ସମସ୍ତେ ତୁମକୁ ମିସ୍ କରୁଛୁ ସୁଶାନ୍ତ ।’ ତାଙ୍କର ଏହି ଦୁଃଖଭରା ଅନ୍ଦାଜ ଦେଖିବା ପାଇଁ ଆପଣଙ୍କୁ ଆଉ କିଛି ଦିନ ଅପେକ୍ଷା କରିବାକୁ ପଡିବ ।