‘ବିଗ ବସ 14’ରେ ଧମାଲ କରିବେ ଟିଭି ଆକ୍ଟର ମିଶାଲ ରହେଜା

ଏକ ବୟାନକୁ ନେଇ ଚର୍ଚ୍ଚାରେ ମିଶାଲ ରହେଜା । ସେ କେବଳ ନିଜକୁ ନିଜର ବସ ମାନନ୍ତି । ଏଥିପାଇଁ ସେ ‘ବିଗ ବସ୍ 14’ରେ ସାମିଲ ହେବାକୁ ଚାହୁଁନାହାଁନ୍ତି ।

ମୁମ୍ବାଇ: ଗତ କିଛି ଦିନ ହେବ ଛୋଟ ପରଦାର ରିୟାଲିଟି ଶୋ ‘ବିଗ ବସ୍ 14କୁ ନେଇ ଚର୍ଚ୍ଚା ଜୋର ଧରିଛି । ଶୁଣିବାକୁ ମିଳୁଛି ଯେ ସେପ୍ଟେମ୍ବରରେ ମକେର୍ସ ଶୋକୁ ଅନଏୟାର କରିବେ । ଏହାବ୍ୟତୀତ ଶୋର ପ୍ରତିଯୋଗୀଙ୍କୁ ନେଇ ମଧ୍ୟ ଦର୍ଶକଙ୍କ ଏକ୍ସାଇଟମେଣ୍ଟ ବଢିଚାଲିଛି । ନିକଟରେ ଫେମସ ନିର୍ମାତା ଓନିର ଶୋରେ ସାମିଲ ହେବା ଖବରକୁ ଖଣ୍ଡନ କରିଥିଲେ । ଆଉ ଏବେ ଟିଭି ଆକ୍ଟର ମିଶାଲ ରହେଜା ମଧ୍ୟ ଶୋକୁ ନେଇ ବୟାନ ଦେଇଛନ୍ତି । ସେ ଆଶ୍ଚର୍ଯ୍ୟକର କଥା କହି ସମସ୍ତଙ୍କୁ ଆଶ୍ଚର୍ଯ୍ୟ ମଧ୍ୟ କରିଦେଇଛନ୍ତି ।

‘ବିଗ ବସ 14’ରେ ପ୍ରତିଯୋଗୀ ରୂପେ ସେ ନଜର ଆସିବେ ବୋଲି ଶୁଣିବାକୁ ମିଳୁଛି । ଏବେ ସୁପରଷ୍ଟାର ସଲମାନ ଖାନଙ୍କ ଶୋରେ ଯିବାକୁ ନେଇ ପ୍ରକୃତ କଥା ସେ କହିଛନ୍ତି । ଏକ ସାକ୍ଷାତକାରରେ ସେ ‘ବିଗ ବସ 14’ର ପ୍ରତିଯୋଗୀ ହେବାକୁ ମନା କରିଛନ୍ତି ।

‘ମୁଁ ନିଜ ବିଷୟରେ ଏପରି ଖବର ପଢି ସରପ୍ରାଇଜ ଅଛି । ମୁଁ ଭାବୁଛି ଏପରି ଖବର ଆସୁଛି କେଉଁଠି । କିନ୍ତୁ ବିଗ ବସ ତରଫରୁ ମତେ ଫେବୃଆରୀରେ କଲ ଆସିଥିଲା । ସେହି ସମୟରେ ମୁଁ ଅନ୍ୟ ସୁଟିଂରେ ବ୍ୟସ୍ତ ଥିଲି । ଆଉ ଏବେ ବିଗ ବସ ମେକର୍ସଙ୍କ ସହ ମୋର କୌଣସି ମିଟିଂ ମଧ୍ୟ ହୋଇନାହିଁ । ସେମିତି ଦେଖିବାକୁ ଗଲେ ବିଗ ବସ ଏକ ଶାନଦାର ଶୋ । ହେଲେ ମତେ ଲାଗୁନାହିଁ ମୁଁ ଏହି ଶୋ ପାଇଁ । ମୋ ପାଇଁ କେହି ବିଗ ବସ ନୁହେଁ କାରଣ ମୁଁ ମୋ ନିଜର ବସ । ଏଥି ନିମନ୍ତେ ମୁଁ ଶୋରେ ସାମିଲ ହେବାକୁ ଚାହୁଁନାହିଁ’ ବୋଲି କହିଛନ୍ତି ମିଶାଲ।