ନୂଆଦିଲ୍ଲୀ: ଟୋକିଓ ପାରାଲମ୍ପିକ୍ସରେ ଟେବୁଲ ଟେନିସରେ ଜିତି ଭାରତକୁ ରୌପ୍ୟ ଦେଇଛନ୍ତି ଭାବିନା ପଟେଲ । ଜାତୀୟ କ୍ରୀଡ଼ା ଦିବସରେ ଭାରତକୁ ଗୌରବାନ୍ବିତ କରିଥିବାରୁ ବଲିଉଡ଼ ସେଲିବ୍ରିଟିମାନେ ଭାବିନାଙ୍କୁ ଜଣାଇଛନ୍ତି ଶୁଭେଚ୍ଛା । ବଲିଉଡ଼ ଅଭିନେତା ଅନିଲ କପୁର, ବିକି କୌଶଲ, ଅଭିଷେକ ବଚ୍ଚନଙ୍କ ସମେତ ଅଭିନେତ୍ରୀ ତାପସୀ ପନ୍ନୁ ଭାବିନାଙ୍କୁ କରିଛନ୍ତି ଢେର ପ୍ରଶଂସା ।
ତାପସୀ ପନ୍ନୁ ଟ୍ବିଟ କରି ଭାବିନାଙ୍କୁ ଶୁଭେଚ୍ଛା ଜଣାଇଛନ୍ତି । ସେ ଲେଖିଛନ୍ତି ଏହା ଗୋଟିଏ ରୌପ୍ୟ ଏବଂ ମେଡେନ ମଧ୍ୟ । ଅର୍ଥାତ ଅପର ପକ୍ଷକୁ ମେଡେନ ଦେଇ ଭାବିନା ଏହି ମ୍ୟାଚକୁ ଜିତି ଭାରତ ନାଁରେ ରୌପ୍ୟ ପଦକ କରିଛନ୍ତି । ଭେଟେରାନ ଆକ୍ଟର ଅନିଲ କପୁର ମଧ୍ୟ ଭାବିନାଙ୍କ ଜିତିବା ସମୟରେ ଏକ ଫଟୋ ନିଜ ଇନଷ୍ଟାଗ୍ରାମ ଷ୍ଟୋରିରେ ସେୟାର କରିଛନ୍ତି । ଏହା ସହିତ ସେ ଭାବିନାଙ୍କୁ ଶୁଭେଚ୍ଛା ଜଣାଇଛନ୍ତି । ଅଭିଷେକ ବଚ୍ଚନ ମଧ୍ୟ ଇନଷ୍ଟାଗ୍ରାମରେ ଏକ ଭାବିନାଙ୍କ ଜିତିବା ସମୟର ପୋଷ୍ଟ କରି ଭାବିନାଙ୍କୁ ଶୁଭେଚ୍ଛା ଜଣାଇଛନ୍ତି ।