ମୁମ୍ବାଇ: ପୁଣିଥରେ ପରଦାରେ ବି-ଟାଉନର ଅକ୍କି ଅକ୍ଷୟ କୁମାର ଓ କ୍ୟାଟ୍ରିନା କୈଫଙ୍କ କେମେଷ୍ଟ୍ରି ଦେଖିବାକୁ ମିଳିବ । ଏହି ଯୋଡି ଆକ୍ସନ ନିର୍ଦ୍ଦେଶକ ରୋହିତ ସେଟ୍ଟୀଙ୍କ ଅପକମିଂ ଫିଲ୍ମ 'ସୂର୍ଯ୍ୟବଂଶୀ'ରେ ନଜର ଆସିବେ । ଯାହାର ସୁଟିଂରେ ଖୁବ୍ ବ୍ୟସ୍ତ ଅଛନ୍ତି ଅକ୍ଷୟ ଓ କ୍ୟାଟ ।
ଯେଉଁଠାରେ ଆକ୍ସନର କଥା ଆସିଥାଏ ତେବେ ରୋହିତଙ୍କ ଫିଲ୍ମରେ ଅଧିକା ଦେଖିବାକୁ ମିଳିଥାଏ । ଏଥର ଅକ୍ଷୟ ତାଙ୍କ ସହ ସମ୍ପୃକ୍ତ ହୋଇଥିବାର 'ସୂର୍ଯ୍ୟବଂଶୀ'ରେ ଆକ୍ସନ ଧମାକାଧାର ହେବାକୁ ଯାଉଛି । ଫିଲ୍ମ ସେଟରୁ ସୁଟିଂର ଅନେକ ଫଟୋ ସୋସିଆଲ ମିଡିଆରେ ଦେଖିବାକୁ ମିଳୁଛି ।
ଫିଲ୍ମରେ ଏକ ଖାସ କଥା ଅଛି ଯାହାକୁ ନେଇ ଫିଲ୍ମଟି ଦୀର୍ଘ ସମୟରୁ ଚର୍ଚ୍ଚାରେ ରହିଆସୁଛି । ଆଜ୍ଞା ହଁ, ଫିଲ୍ମରେ 1994ରେ ଆସିଥିବା ଅକ୍ଷୟଙ୍କ ସୁପରହିଟ୍ ଫିଲ୍ମ 'ମୋହରା'ର ପପୁଲାର 'ଗୀତ ଟିପ ଟିପ ବରଷା ପାନି' ରିକ୍ରିଏଟ କରାଯିବ । ଯେଉଁଥିରେ ଅକ୍ଷୟ ଓ କ୍ୟାଟ ବର୍ଷାରେ ଓଦା ହୋଇ ରୋମାନ୍ସ କରୁଥିବାର ଦେଖାଯିବେ ।
ଇତିମଧ୍ୟରେ ଫିଲ୍ମ ସେଟରୁ କ୍ୟାଟଙ୍କ ଏକ ଫଟୋ ଭାଇରାଲ ହୋଇଛି । ଯେଉଁଥିରେ ସେ କୋରିଓଗ୍ରାଫର ଫରାହ ଖାନଙ୍କ ସହ ନଜର ଆସୁଛନ୍ତି । ମଜାଦାର କଥା ହେଲା କି କ୍ୟାଟ ଓ ଫରାହ ବର୍ଷାରେ ଭିଜିଲା ପରି ଦେଖାଯାଇଛନ୍ତି । ଫଟୋଟିକୁ କ୍ୟାଟ ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି ।
ଏହାକୁ ସେୟାର କରି ସେ ଲେଖିଛନ୍ତି, "ମୁଁ ଆଉ ମମି ଦୀର୍ଘ ସମୟରୁ ଏକାଠି । ଲଭ ୟୁ ଦ ବେଷ୍ଟେଷ୍ଟ ବେଷ୍ଟ. #ସୂର୍ଯ୍ୟବଂଶୀ ।" ଫଟୋଟିକୁ ଦେଖି ଦର୍ଶକ ଅନ୍ଦାଜା ଲଗାଉଛନ୍ତି କି ଏହା 'ଟିପ ଟିପ ବରଷା ପାନି' ଗୀତର ସୁଟିଂ ସମୟର ବୋଲି । ଗତକାଲି ମଧ୍ୟ ଇନଷ୍ଟାଗ୍ରାମରେ କ୍ୟାଟ ଅକ୍ଷୟଙ୍କ ସହ ମୁଁଣ୍ଡରେ ଟାୱଲ ବାନ୍ଧିଥିବାର ନଜର ଆସିଥିଲେ ।