ନୂଆଦିଲ୍ଲୀ:ସୋସିଆଲ ମିଡିଆରେ ସବୁଠାରୁ ଲୋକପ୍ରିୟ ଷ୍ଟାର କିଡଙ୍କ ମଧ୍ୟରୁ ଟାଇଗର ଶ୍ରଫଙ୍କ ଭଉଣୀ କ୍ରିଷ୍ଣା ଶ୍ରଫ୍ ସବୁବେଳେ ଆକ୍ଟିଭ । ସେ ପ୍ରାୟତଃ ସୋସିଆଲ ମିଡିଆରେ ତାଙ୍କର ଓ୍ବାର୍କଆଉଟ ଭିଡିଓ ଏବଂ ଫଟୋ ସେୟାର କରି ପ୍ରଶଂସକଙ୍କ ମନୋରଞ୍ଜନ କରିଥାନ୍ତି ।
ସେ ଗତ ଦୁଇମାସ ଧରି ନିଜର ଦୈନନ୍ଦିନ ବ୍ୟାୟାମ ରୁଟିନ୍ ଠାରୁ ଦୂରରେ ଥିଲେ, କିନ୍ତୁ ବର୍ତ୍ତମାନ ସେ ଜିମକୁ ଫେରିଥିବାରୁ ବହୁତ ଖୁସି ଅଛନ୍ତି ।
କ୍ରିଷ୍ଣା ତାଙ୍କର ଏକ ଓ୍ବାର୍କଆଉଟ ଭିଡିଓ ଇନଷ୍ଟା ଷ୍ଟୋରୀରେ ସେୟାର କରି କ୍ୟାପସନରେ ଲେଖିଛନ୍ତି, 'ଦୁଇ ମାସ, ଏତେ ଦିନ ପର୍ଯ୍ୟନ୍ତ ନିଜର ଫେବରେଟ୍ ସ୍ଥାନଠାରୁ ଦୂରରେ ଥିଲି । ଫେରି ଆସି ବହୁତ ଖୁସି ଲାଗୁଛି' ।
ପରବର୍ତ୍ତୀ ପୋଷ୍ଟରେ, କ୍ରିଷ୍ଣା ଓ୍ବାର୍କଆଉଟ ପରେ ନିଜ ପୋଷାକୁକୁର ସହ ସମୟ ବିତାଉଥିବାର ନଜର ଆସିଛନ୍ତି ।
ପ୍ରକାଶ ଥାଉ ଯେ, ଗତ ସପ୍ତାହରେ କ୍ରିଷ୍ଣା ତାଙ୍କ ଜନ୍ମଦିନ ସେଲିବ୍ରେଟ କରିଥିଲେ ।
