'ରାମ୍ବୋ'ର ହିନ୍ଦୀ ରିମେକରେ ଟାଇଗର

ହଲିଉଡ ଫିଲ୍ମ 'ରାମ୍ବୋ' ସିଲଭେଷ୍ଟର ଷ୍ଟେଲେନ ମୁଖ୍ୟ ଭୂମିକାରେ ନଜର ଆସିଥିଲେ । ଏହି କ୍ଲାସିକ ଫିଲ୍ମ ବିଏତନାମର ଯୁଦ୍ଧ ଉପରେ ଆଧାରିତ । ଯାହାର ହିନ୍ଦୀ ରିମେକ ଖୁବ୍ ଶୀଘ୍ର ତିଆରି ହେବାକୁ ଯାଉଛି ।

ମୁମ୍ବାଇ: ଦୁଇବର୍ଷ ପୂର୍ବେ 70ତମ କାନ ଫିଲ୍ମ ଫେଷ୍ଟିଭାଲରେ ଫିଲ୍ମମେକର ସିଦ୍ଧାର୍ଥ ଆନନ୍ଦ ହଲିଉଡ ଫେମସ ଫିଲ୍ମ 'ରାମ୍ବୋ'ର ହିନ୍ଦୀ ରିମେକ ତିଆରି କରିବାର ଘୋଷଣା କରିଥିଲେ । ହଲିଉଡ ଫିଲ୍ମ 'ରେମ୍ବୋ' 1982ରେ ରିଲିଜ ହୋଇଥିଲା । 'ରାମ୍ବୋ'ରେ ଅଭିନେତା ସିଲଭେଷ୍ଟର ଷ୍ଟେଲୋନ ମୁଖ୍ୟ ଭୂମିକାରେ ନଜର ଆସିଥିଲେ ।

ଏବେ ଏହାର ହିନ୍ଦୀ ରିମେକରେ ବି-ଟାଉନର ଆକ୍ସନ ଅଭିନେତା ଟାଇଗର ଶ୍ରଫ ଅଭିନୟ କରିବେ । ପ୍ରକାଶ ଥାଉକି ନିର୍ଦ୍ଦେଶକ ସିଦ୍ଧାର୍ଥ ଫିଲ୍ମ ରିଲିଜ କଥାକୁ ନେଇ କହିଥିଲେ କି ଫିଲ୍ମଟିକୁ 2020 ଅକ୍ଟୋବରରେ ରିଲିଜ କରିବେ । ଗାନ୍ଧୀ ଜୟନ୍ତୀ ଦିନ ଫିଲ୍ମକୁ ରିଲିଜ କରିବାକୁ ନିଷ୍ପତ୍ତି ନେଇଛନ୍ତି ସିଦ୍ଧାର୍ଥ ।

ବର୍ତ୍ତମାନ ସିଦ୍ଧାର୍ଥ ନିଜର ଆଗାମୀ ଫିଲ୍ମରେ ବ୍ୟସ୍ତ ଅଛନ୍ତି । ତାଙ୍କ ଏହି ଫିଲ୍ମରେ ଟାଇଗର ଓ ହ୍ରିତିକ ରୋଶନଙ୍କୁ ଏକାଠି କାଷ୍ଟ କରିବା ପ୍ରସ୍ତୁତି ଚଳାଇଛନ୍ତି । ଏଯାବତ ଫିଲ୍ମର ଟାଇଟଲ ସ୍ତିର ହୋଇନାହିଁ । କିନ୍ତୁ ଏହି ଫିଲ୍ମର ସୁଟିଂ ପରେ ହିଁ ସେ 'ରାମ୍ବୋ'ର ସୁଟିଂ ଆରମ୍ଭ କରିବେ । ଆସନ୍ତା ସେପ୍ଟେମ୍ବରରେ ଫିଲ୍ମର ପ୍ରସ୍ତୁତି ଆରମ୍ଭ କରାଯିବ । ଏହାସହ ଫିଲ୍ମର ସୁଟିଂ ବିଦେଶରେ କରିବାର ପ୍ଲାନିଂ କରିଛନ୍ତି ସିଦ୍ଧାର୍ଥ ।