ମୁମ୍ବାଇ: ଲୋକପ୍ରିୟ ଫିଲ୍ମ ନିର୍ମାତା କରନ ଜୋହରଙ୍କ ଆଗାମୀ ବହୁ ପ୍ରତିକ୍ଷିତ ଫିଲ୍ମ 'ଷ୍ଟୁଡେଣ୍ଟ ଅଫ ଦ ଇୟର-2'ର ଦୁଇଟି ନୂଆ ପୋଷ୍ଟର ସାମ୍ନାକୁ ଆସିଛି । ଗୋଟିଏ ପୋଷ୍ଟରରେ ଆକ୍ସନ ଅଭିନେତା ଟାଇଗର ଶ୍ରଫ କଲେଜ ଗେଟ ପାଖରେ ନଜର ଆସୁଥିବାବେଳେ ଆଉ ଏକ ପୋଷ୍ଟରରେ ଦୁଇଟି ଭିନ୍ନ ଭିନ୍ନ ଜୋତା ଦେଖିବାକୁ ମିଳୁଛି । ଦ୍ବିତୀୟ ପୋଷ୍ଟର ଦେଖି ଜଣାପଡୁଛି ଯେ ଏଠାରେ ଧନୀ ଓ ଗରିବାକୁ ତୁଳନା କରାଯାଇଛି ।
ଏହାର ପୂର୍ବ ଫିଲ୍ମ 'ଷ୍ଟୁଡେଣ୍ଟ ଅଫ ଦ ଇୟର'କୁ ଖୁବ୍ ପସନ୍ଦ କରିଥିଲେ ଦର୍ଶକ । ତେଣୁ ଏହାର ସିକ୍ବେଲ ଫିଲ୍ମରେ ମଧ୍ୟ ଆଶା କରିବସିଛନ୍ତି ଦର୍ଶକ ।
2012ରେ ଆସିଥିବା 'ଷ୍ଟୁଡେଣ୍ଟ ଅଫ ଦ ଇୟର-2'ରେ ବଲିଉଡରେ ଆଜିର ଯୁବା ସୁପରଷ୍ଟାର ବରୁଣ ଧୱନ, ଆଲିୟା ଭଟ୍ଟ ଓ ସିଦ୍ଧାର୍ଥ ମଲହୋତ୍ରା ନିଜ କ୍ୟାରିୟର ଆରମ୍ଭ କରିଥିଲେ । ଯେଉଁଠାରେ ଏହି ଫିଲ୍ମରେ ତିନି ନୂଆ ଚେହେରାକୁ ଦର୍ଶକ ଦେଖିବାକୁ ପାଇଥିଲେ । ସେହିଠାରେ ସିକ୍ବେଲ ଫିଲ୍ମରେ ଟାଇଗର ବଲିଉଡ ପାଇଁ ଜଣାଶୁଣା ଚେହେରା । କିନ୍ତୁ ଟାଇଗରଙ୍କ ସହ ଫିଲ୍ମରେ ଦର୍ଶକ ଦୁଇ ନୂଆ ଚେହେରା ଦେଖିବାକୁ ପାଇବେ ।
ଆଜ୍ଞା ହଁ, ତାରା ସୁତାରିୟା ଓ ଅଭିନେତା ଚଙ୍କୀ ପାଣ୍ଡେଙ୍କ ଝିଅ ଅନନ୍ୟା ପାଣ୍ଡେ ଏହି ଫିଲ୍ମ ଜରିଆରେ କ୍ୟାରିୟର ଆରମ୍ଭ କରିବାକୁ ଯାଉଛନ୍ତି ।
ଏଥର ଫିଲ୍ମରେ ଦୁଇଟି ଝିଅ ସହ ଗୋଟିଏ ପୁଅର ଲଭଷ୍ଟୋରୀ କାହାଣୀ ଦେଖିବାକୁ ମିଳିବ । ପୂର୍ବଥର ଗୋଟିଏ ଝିଅ ଓ ଦୁଇଟି ପୁଅର ଲଭ ଷ୍ଟୋରୀ ଦେଖିବାକୁ ମିଳିଥିଲା ।