‘ବାଗି 3’ର ସୁଟିଂ ଭିଡିଓ ଭାଇରାଲ, ଟାଇଗରଙ୍କ ପରିଶ୍ରମର ପ୍ରଶଂସା

ସୋସିଆଲ ମିଡିଆରେ ଫିଲ୍ମ ‘ବାଗି 3’ ଭିଡିଓ ସେୟାର କରି ସୁଟିଂ ଅନୁଭୂତି ସେୟାର କଲେ ଟାଇଗର ଶ୍ରଫ...

ମୁମ୍ବାଇ: ଆକ୍ସନ ହିରୋ ଟାଇଗର ଶ୍ରଫଙ୍କ ଚର୍ଚ୍ଚିତ ଫିଲ୍ମ ‘ବାଗି 3’ ନିକଟରେ ରିଲିଜ ହୋଇଥିଲା। ହେଲେ କୋରୋନା ଭାଇରସ ପ୍ରକୋପ ପାଇଁ ସିନେମାଘରେ ହଠାତ୍ ବନ୍ଦ ହୋଇଯିବାରୁ ଖୁବ୍ ପ୍ରଭାବିତ ହୋଇଥିଲା। ଆଉ ମେକର୍ସଙ୍କୁ ନିରାଶର ସାମ୍ନାକୁ କରିବାକୁ ପଡିଥିଲା। ଅହମ୍ମଦ ଖାନଙ୍କ ଦ୍ବାରା ନିର୍ଦ୍ଦେଶିତ ଏହି ଫିଲ୍ମରେ ଟାଇଗର ପୁଣିଥରେ ଆକ୍ସନ ଅବତାରରେ ନଜର ଆସିଥିଲେ। ଫିଲ୍ମରେ ତାଙ୍କ ସହ ବାଗି ଫେମ ଶ୍ରଦ୍ଧା କପୁର, ଅଙ୍କିତା ଲୋଖଣ୍ଡେ, ରିତେଶ ଦେଶମୁଖ ଭଳି ଷ୍ଟାର ଶାନଦାର ଅଭିନୟ କରିଥିଲେ।

ଲକଡାଇନରେ ଘରେ ବନ୍ଦ ଥିବା ଟାଇଗର ଏବେ ଫିଲ୍ମର ଏକ ସୁଟିଂ ସିନର ଭିଡିଓ ଫ୍ୟାନ୍ସଙ୍କ ପାଇଁ ଇନଷ୍ଟାଗ୍ରାମରେ ସେୟାର କରିଛନ୍ତି। ଯେଉଁଥିରେ ସେ ହାତରେ ବନ୍ଧୁକ ଧରି ସେ ଲଢେଇ ମୈଇଦାନରେ ନଜର ଆସୁଛନ୍ତି। ସେହିପରି ଏହାର କ୍ୟାପସନରେ ସେ ଲେଖିଛନ୍ତି, ‘7 ଡିଗ୍ରିରୁ କମ ତାପମାତ୍ରା ମୋ ହାଡକୁ ଥରାଇ ଦେଉଥିଲା। ଷ୍ଟମ ସେଥିରେ ଆହୁରି କଷ୍ଟ ଦେଉଥିଲା। ଏଭଳି ପରିସ୍ଥିତିରେ ମୁଁ ନିର୍ଦ୍ଦେଶକ ଅହମ୍ମଦଙ୍କ କଥା ଶୁଣିବାକୁ ଚେଷ୍ଟା ଚଳାଇଥିଲି । ଠିଆ ହେବାକୁ ମଧ୍ୟ ବହୁତ କଷ୍ଟ ଲାଗୁଥିଲା। ବାଗି ସେଟରେ ବିତାଇଥିବା ଗୋଟିଏ ଦିନ।’

ଟାଇଗରଙ୍କ କଡା ପରିଶ୍ରମ ଦେଖି ତାଙ୍କ ଫ୍ୟାନ୍ସ ଖୁବ୍ ପ୍ରଶଂସା କରିଛନ୍ତି । ଜଣେ ୟୁଜର ଲେଖିଛନ୍ତି, ‘ଆପଣ ବାସ୍ତବରେ ସୁପରହିରୋ।’ ସେହିପରି ଆଉ ଜଣେ ଲେଖିଛନ୍ତି, ‘ଆପଣଙ୍କ ପରିଶ୍ରମ ଉପରେ ଆମେ ଗର୍ବିତ।’