ମୁମ୍ବାଇ: ଟାଇଗର ଶ୍ରଫଙ୍କ ବହୁ ଚର୍ଚ୍ଚିତ ଫିଲ୍ମ 'ଷ୍ଟୁଡେଣ୍ଟ ଅଫ ଦ ଇୟର-2' ଚଳିତ ମାସ 10ରେ ରିଲିଜ ହେବାକୁ ଯାଉଛି । ଫିଲ୍ମରେ ତାଙ୍କ ଅପୋଜିଟରେ ଅନନ୍ୟା ପାଣ୍ଡେ, ତାରା ସୁତାରିୟା ମୁଖ୍ୟ ଭୂମିକାରେ ଦେଖାଯିବେ। ଇତି ମଧ୍ୟରେ ଫିଲ୍ମର ପ୍ରମୋଶନରେ ଟାଇଗର ଏମିତି କିଛି ଘୋଷଣା କରିଛନ୍ତି, ଯାହା ଶୁଣି ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି ।
ସେ ନିକଟରେ ଫିଲ୍ମ ପ୍ରମୋଶନ ପାଇଁ ଟିଭି ରିୟାଲିଟି ଶୋ 'ସୁପର ଡାନ୍ସର ଚାପ୍ଟର-3'ରେ ପହଞ୍ଚିଥିଲେ । ଶୋ ରେ କୁନି କୁନି ପ୍ରତିଯୋଗୀ ଜବରଦସ୍ତ ପରଫର୍ମାନ୍ସ ଦେଇଥିବାର ନଜର ଆସିଥିଲେ । ଏହି ପରଫର୍ମ ମଧ୍ୟରେ ଶୋ ର ଜଣେ କୁନି ପ୍ରତିଯୋଗୀ ଏମିତି ଡାନ୍ସ କରିଥିଲେ କି ଯାହାକୁ ଦେଖି ଟାଇଗରଙ୍କ ହୋସ ଉଡିଯାଇଥିଲା । ଏହାପରେ ସେ ଏକ୍ସାଇଟେଡ ହୋଇ ନିଜ ରିଟାୟାରମେଣ୍ଟ ମଧ୍ୟ ଘୋଷଣା କରି ଦେଇଥିଲେ ।
ଭିଡିଓ ସୌଜନ୍ୟ: ସୋସିଆଲ ମିଡିଆ/ଟ୍ବିଟର@ସୋନି ଟିଭି