ମୁମ୍ବାଇ: ଟାଇଗର ବଲିଉଡର ଫେମସ ଆକ୍ସନ ଷ୍ଟାର ହେବା ସହ ଶାନଦାର ଡାନ୍ସର ମଧ୍ୟ । ଏମିତି କୌଣସି ଡାନ୍ସ ଷ୍ଟେପ ନାହିଁ ଯାହା କରିବାକୁ କେବେ ସେ ପଛ ଘୁଞ୍ଚା ଦେଇଥିବେ। ସେ ପ୍ରାୟତଃ ନିଜ ଡାନ୍ସିଂ ଟ୍ୟାଲେଣ୍ଟ ପାଇଁ ଚର୍ଚ୍ଚାରେ ରୁହନ୍ତି । ଆଉ ସବୁବେଳେ ଡାନ୍ସ ଚ୍ୟାଲେଞ୍ଜ ସହଜରେ ପୂରଣ କରିନିଅନ୍ତି । ଇତିମଧ୍ୟରେ ସେ ବରୁଣ ଧୱନ ଓ ଶ୍ରଦ୍ଧା କପୁରଙ୍କ ଫିଲ୍ମ ‘ଷ୍ଟ୍ରିଟ ଡାନ୍ସର 3ଡି’ ମୁକାବଲା ଚ୍ୟାଲେଞ୍ଜ ଗ୍ରହଣ କରିଛନ୍ତି ।
ନିକଟରେ ବରୁଣ କୋରିଓଗ୍ରାଫର ଗଣେଶ ଆଚାର୍ଯ୍ୟଙ୍କ ସହ ମିଶି ସମସ୍ତଙ୍କ ସାମ୍ନାରେ ମୁକାବଲା ଚ୍ୟାଲେଞ୍ଜ ରଖିଥିଲେ । ଡାନ୍ସ ଚ୍ୟାଲେଞ୍ଜ ଥିବ ଆଉ ଟାଇଗର ଏହି ସୁଯୋଗ ଛାଡିବେ ଏହା କେବେ ହୋଇଛି ନା ହେବ । ସେ ମଧ୍ୟ ଏହି ଚ୍ୟାଲେଞ୍ଜ ଗ୍ରହଣ କରି ଦମଦାର ଡାନ୍ସ କରୁଥିବାର ନଜର ଆସୁଛନ୍ତି ।
ସେ ବରୁଣ, ପ୍ରଭୁ ଦେବା, ଶ୍ରଦ୍ଧା ଓ ରେମୋ ଡିସୁଜାଙ୍କୁ ଟ୍ୟାଗ କରି ନିଜର ଜବରଦସ୍ତ ଡାନ୍ସ ଭିଡିଓ ସୋସିଆଲ ମିଡିଆରେ ସେୟାର କରିଛନ୍ତି । ସେ ଯେଉଁ ଭିଡିଓ ପୋଷ୍ଟ କରିଛନ୍ତି, ସେଥିରେ କୋରିଓଗ୍ରାଫର ପରେଶ ଶିରେଡକରଙ୍କ ସହ ମୁକାବଲା ଗୀତରେ ଡାନ୍ସ କରୁଥିବାର ଦେଖାଯାଉଛନ୍ତି ।
ଅନ୍ୟପଟେ ବରୁଣ ମଧ୍ୟ ଟାଇଗରଙ୍କ ଡାନ୍ସର ପ୍ରଶଂସା କରି ଭିଡିଓକୁ ନିଜ ଇନଷ୍ଟାଗ୍ରାମ ଷ୍ଟୋରିରେ ସେୟାର କରିଛନ୍ତି । ଆଉ କ୍ୟାପସନରେ ଲେଖିଛନ୍ତି, ଟାଇଗର ମୁକାବଲା ହୁକ ଷ୍ଟେପକୁ ଶାନଦାର ରୂପେ କରିଛନ୍ତି ।’ ଆପଣ ମଧ୍ୟ ଦେଖନ୍ତୁ ଟାଇଗରଙ୍କ ଏହି ଦମଦାର ଡାନ୍ସ ଭିଡିଓ...
ପ୍ରକାଶ ଥାଉକି ମୁକାବଲା ଗୀତ ପ୍ରଭୁ ଦେବାଙ୍କ ତେଲୁଗୁ ଫିଲ୍ମ ‘କଧଲାନ’ର । ଏହି ଫିଲ୍ମ 1994ରେ ରିଲିଜ ହୋଇଥିଲା । ଫିଲ୍ମର ଫେମସ ଗୀତ ମୁକାବଲା ରିମେକ ଭର୍ସନ ବରୁଣ ଓ ଶ୍ରଦ୍ଧାଙ୍କ ଅଭିନୀତ ଫିଲ୍ମ ‘ଷ୍ଟ୍ରିଟ ଡାନ୍ସର 3ଡି’ରେ ଶୁଣିବାକୁ ପାଉଛନ୍ତି ଦର୍ଶକ । ଭାରତ-ପାକିସ୍ତାନ ଡାନ୍ସ ଲଢେଇକୁ ନେଇ ଆଧାରିତ ‘ଷ୍ଟ୍ରିଟ ଡାନ୍ସ 3ଡି’ ଫିଲ୍ମ ଏମାସ 24ରେ ରିଲିଜ ହେବାକୁ ଯାଉଛି ।
