ଆହତ ହେଲେ ଆକ୍ସନ୍ ହିରୋ ଟାଇଗର୍ ଶ୍ରଫ୍, ଚିନ୍ତାରେ ଫ୍ୟାନ୍ସ

ବଲିଉଡର ଲିଟିଲ୍ ସୁପରହିରୋ ଟାଇଗର୍ ଶ୍ରଫଙ୍କ ଫ୍ୟାନ୍ସ ପାଇଁ ଏକ ଆଶ୍ଚର୍ଯ୍ୟଜନକ ଖବର ସାମ୍ନାକୁ ଆସିଛି । ଟାଇଗର ଆହତ ହୋଇଛନ୍ତି । ଅଧିକ ପଢନ୍ତୁ

ମୁମ୍ବାଇ: ବଲିଉଡର ଲିଟିଲ୍ ସୁପରହିରୋ ଟାଇଗର୍ ଶ୍ରଫଙ୍କ ଫ୍ୟାନ୍ସ ପାଇଁ ନିରାଶ ଜନକ ଖବର ଆସିଛି । ଟାଇଗର ଆହତ ହୋଇଛନ୍ତି। ଟାଇଗର ଫିଲ୍ମ 'ଗଣପଥ'ର ସୁଟିଂ କରୁଥିବା ସମୟରେ ତାଙ୍କ ଆଖିରେ ଆଘାତ ଲାଗିଛି। ସୌଭାଗ୍ୟବଶତଃ ଦୁର୍ଘଟଣାଟି ସେତାଟା ବଡ ନଥିଲା, ନଚେତ୍ ଅଭିନେତାଙ୍କୁ ବହୁ କଷ୍ଟ ସହିବାକୁ ପଡିଥାନ୍ତା । ଅଭିନେତା ସୋସିଆଲ ମିଡିଆରେ ତାଙ୍କ ଆଘାତ ବିଷୟରେ ସୂଚନା ଦେଇ ଏକ ଫଟୋ ସେୟାର କରିଛନ୍ତି ।

ସୂଚନାଯୋଗ୍ୟ ଯେ, ଟାଇଗର୍ ଶ୍ରଫ୍ ଗତ କିଛି ଦିନ ହେବ ଫିଲ୍ମ 'ଗଣପଥ'ର ସୁଟିଂ ପାଇଁ ବ୍ରିଟେନରେ ଅଛନ୍ତି । ଟାଇଗର୍ ଅନେକ ଥର ନିଜ ଫିଲ୍ମ ସହ ଜଡିତ ଆକ୍ସନ ସିନ୍ ଏବଂ ଲୋକେସନ ସେୟାର କରିଥାନ୍ତି । କିନ୍ତୁ ମଙ୍ଗଳବାର ରାତିରେ ସୁପରହିରୋ ନିଜ ଇନଷ୍ଟାଗ୍ରାମରେ ଏକ ଫଟୋ ସେୟାର କରିଥିଲେ, ଯେଉଁଥିରେ ଟାଇଗର୍ ଶ୍ରଫଙ୍କ ଆଖି ଦେଖି ଫ୍ୟାନ୍ସଙ୍କୁ ବଡ ଝଟକା ଲାଗିଛି ।

ଅଭିନେତା ଏହି ଫଟୋରେ ଏକ କ୍ୟାପସନ ଲେଖିଛନ୍ତି, '# ଗଣପଥ ଫାଇନାଲ୍ କାଉଣ୍ଟଡାଉନ,' । ଏହି ସେଲ୍ପି ଫଟୋ ସହିତ ଅଭିନେତା ହଟ୍ ଫେସ୍ ଇମୋଜି ସେୟାର କରିଛନ୍ତି । ଫଟୋରେ ଦେଖିବାକୁ ମିଳିଛି ସୁପରହିରୋ ଟାଇଗରଙ୍କ ଆଖିରେ ଆଘାତ ଲାଗିଛି ଏବଂ ଏହା ନାଲି ପଡିଯାଇଛି । ତେବେ ଫିଲ୍ମ 'ଗଣପଥ' ସମ୍ପର୍କରେ କହିବା ତ, ଅଭିନେତାଙ୍କ ବିପକ୍ଷରେ ଅଭିନେତ୍ରୀ କୃତି ସେନନ୍ ନଜର ଆସିବେ । ତେବେ ୨୦୧୪ରେ ଅଭିନେତା ଟାଇଗର୍ ଶ୍ରଫ୍ ଓ ଅଭିନେତ୍ରୀ କୃତି 'ହିରୋପନ୍ତୀ'ରେ ଡେବ୍ୟୁ କରିଥିଲେ । ଏହି ଫିଲ୍ମ ବକ୍ସ ଅଫିସରେ ଧମାଲ୍ ମଚାଇଥିଲା ।