ମୁମ୍ବାଇ: ଆକ୍ସନ ହିରୋ ଟାଇଗର ଶ୍ରଫଙ୍କ ଆଗାମୀ ଚର୍ଚ୍ଚିତ ଫିଲ୍ମ ‘ବାଗି 3’ ଦେଖିବାକୁ ଦୀର୍ଘ ସମୟରୁ ବ୍ୟାକୁଳ ଦର୍ଶକ । ଫିଲ୍ମର ଫାଷ୍ଟଲୁକ ନିକଟରେ ଜାରି କରାଯାଇଥିଲା । ଆଉ ଏବେ ଜାରି ହୋଇଯାଇଛି ଫିଲ୍ମର ଦମଦାର ଟ୍ରେଲର। ଟ୍ରେଲରରେ ଟାଇଗର ଶାନଦାର ଆକ୍ସନ କରୁଥିବାର ନଜର ଆସୁଛନ୍ତି । ଫିଲ୍ମରେ ଦେଶର ଶତ୍ରୁ ଓ ନିଜ ଭାଇ ପାଇଁ ଲଢୁଥିବାର ନଜର ଆସିଛନ୍ତି ଟାଇଗର।
ଫିଲ୍ମରେ ଟାଇଗରଙ୍କ ବଡ ଭାଇ ଭୂମିକାରେ ଅଭିନୟ କରୁଛନ୍ତି ଫେମସ ଅଭିନେତା ରିତେଶ ଦେଶମୁଖ । ଫିଲ୍ମରେ ସେ ପୋଲିସ ଅଫିସ ସାଜିଛନ୍ତି । ଯିଏ କୌଣସି ଏକ ମାମଲାରେ ସାକ୍ଷୀ ଖୋଜିବାକୁ ଦେଶ ବାହାରକୁ ଯାଇଛନ୍ତି । ହେଲେ ବିଦେଶରେ ତାଙ୍କ ସହ କିଛି ଏମିତି ହେଉଛି, ଯାହାକୁ ନେଇ କ୍ରୋଧିତ ହୋଇଯାଇଛନ୍ତି ଟାଇଗର । ନିଜ ଭାଇ ଓ ଦେଶକୁ ବଞ୍ଚାଇବା ପାଇଁ ଟାଇଗର ପହଞ୍ଚିଯାଇଛନ୍ତି ବିଦେଶରେ । ଏହାପରେ ଟାଇଗରଙ୍କ ଦମଦାର ଆକ୍ସନ ଦେଖିବାକୁ ମିଳୁଛି । ଟ୍ରେଲରରେ ଏପରି କାହାଣୀ ପର୍ଯ୍ୟବେଶିତ ହୋଇଛି ।