ମୁମ୍ବାଇ: ‘ବାଗି’ ଫ୍ରାଞ୍ଚାଇଜର ଦୁଇଟି ଫିଲ୍ମ ହିଟ୍ ହେଲା ପରେ ଏବେ ମେକର୍ସ ପ୍ରସ୍ତୁତ ହୋଇସାରିଲେଣି ଏହାର ତୃତୀୟ ସଂସ୍କରଣ ଫିଲ୍ମ ‘ବାଗୀ 3’ନିର୍ମାଣ କରିବାକୁ । ଯେଉଁଥିରେ ଆକ୍ସନ ହିରୋ ଟାଇଗର ଶ୍ରଫ, ରିତେଶ ଦେଶମୁଖ ଓ ସୁନ୍ଦରୀ ଶ୍ରଦ୍ଧା କପୁରଙ୍କୁ ଦେଖିବାକୁ ମିଳିବ । ଲେଖକ ତଥା ନିର୍ଦ୍ଦେଶକ ଫରହାଦ ସାମଜୀ ଫିଲ୍ମରେ ଦୁଇ ମୁଖ୍ୟ ଅଭିନେତାଙ୍କ ନାମ ରାମ ଲକ୍ଷଣ ରଖିଛନ୍ତି ।
ଏକ ସାକ୍ଷାତକାରରେ ଫରହାଦ ଜଣାଇଛନ୍ତି ଯେ ‘ବାଗୀ 3’ କିପରି ଆକ୍ସନ ଥ୍ରିଲର ଫିଲ୍ମ ହେବାକୁ ଯାଉଛି । ରିତେଶଙ୍କ ବିଷୟରେ ଆଲୋଚନା କରି ଫରହାଦ କହିଥିଲେ ଯେ ରିତେଶ ସବୁବେଳେ ନିଜ କମେଡି ଅଭିନୟ ପାଇଁ ଚର୍ଚ୍ଚିତ। ‘ଏକ ଭିଲେନ’ ଫିଲ୍ମରେ ଦର୍ଶକ ତାଙ୍କ ସାଇକୋ ଭୂମିକାକୁ ମଧ୍ୟ ଖୁବ୍ ଏନଜୟ କରିଥିଲେ।