ନୂଆଦିଲ୍ଲୀ: କରୋନାଭାଇରସ ଯୋଗୁଁ ସମଗ୍ର ଦେଶରେ ଲକଡାଉନ ପଡିଛି । ଏହି ସମୟରେ ବଲିଉଡର ସମସ୍ତ ସେଲିବ୍ରିଟି ଘରେ ରହି ନିଜ ପରିବାର ସହିତ ସମୟ ବିତାଉଛନ୍ତି । ଏହାସହ ଲକଡାଉନ ସମୟରେ କିଛି ସେଲିବ୍ରିଟିମାନେ ସୋସିଆଲ ମିଡିଆରେ ପ୍ରତିଦିନ କିଛି ଥ୍ରୋବ୍ୟାକ୍ ଫଟୋ ଏବଂ ଭିଡିଓ ସେୟାର କରି ସେମାନଙ୍କ ପ୍ରଶଂସକମାନଙ୍କ ମନୋରଞ୍ଜନ କରୁଛନ୍ତି ।
ଏହି ସମୟରେ, ରଣବୀର କପୁର, ଆଲିଆ ଭଟ୍ଟ, ଐଶ୍ୱର୍ଯ୍ୟା ରାୟ ବଚ୍ଚନଙ୍କ ଏକ ପୁରୁଣା ଫଟୋ ଭାଇରାଲ ହେବାରେ ଲାଗିଛି । ଏହି ଫଟୋ ହେଉଛି ନ୍ୟୁୟର୍କ ସମୟର । ଯେତେବେଳେ ନ୍ୟୁୟର୍କରେ ରିଷି କପୁରଙ୍କ ଚିକିତ୍ସା ଚାଲୁଥିଲା ସେହି ସମୟରେ ସେଲିବ୍ରିଟିମାନେ ସମସ୍ତେ ତାଙ୍କୁ ଦେଖା କରିବାକୁ ଆସିଥିଲେ ।
ଏହି ଫଟୋରେ, ରଣବୀର କପୁର, ଆଲିଆ ଭଟ୍ଟ, ଐଶ୍ୱର୍ଯ୍ୟା ରାୟ ବଚ୍ଚନ, ନୀତି କପୁର ଏବଂ ରିଦ୍ଧିମା କପୁରଙ୍କ ସମେତ ଅନ୍ୟ ସମସ୍ତ ବନ୍ଧୁମାନେ ମଧ୍ୟ ନଜର ଆସିଥିଲେ । ଏହି ଫଟୋରେ, ଐଶ୍ୱର୍ଯ୍ୟାଙ୍କ ଝିଅ ଆରାଧ୍ୟା ଏବଂ ରଣବୀରଙ୍କ ଭାଣିଜୀ ସମାରା ମଧ୍ୟ ଅଛନ୍ତି । ଏହି ଫଟୋରେ ସମସ୍ତେ ବହୁତ ସୁନ୍ଦର ଦେଖାଯାଉଥିବା ସହ ସମସ୍ତେ ଖୁସିରେ ଥିବା ନଜର ଆସିଥିଲେ ।
ଭେଟେରାନ ଅଭିନେତା ରିଷି କପୁର କ୍ୟାନସର ସହ ସଂଗ୍ରାମ କରୁଥିବାବେଳେ 67 ବର୍ଷ ବୟସରେ ଏପ୍ରିଲ 30 ତାରିଖ ଦିନ ଶେଷ ନିଶ୍ବାସ ତ୍ୟାଗ କରିଥିଲେ । ଏହି ଖବର ଶୁଣି ଚଳଚ୍ଚିତ୍ର ଜଗତରେ ଏବଂ ସେମାନଙ୍କ ପ୍ରଶଂସକମାନଙ୍କ ମଧ୍ୟରେ ଶୋକର ଛାୟା ଖେଳିଯାଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
