ନୂଆଦିଲ୍ଲୀ: ବଲିଉଡ, କ୍ରିକେଟ ଜଗତର ସମ୍ପର୍କ ବହୁ ପୁରୁଣା । କ୍ରିକେଟର ହାର୍ଦ୍ଦିକ ପାଣ୍ଡ୍ୟା ଏବଂ ମଡେଲ ତଥା ଅଭିନେତ୍ରୀ ନତାଶା ଷ୍ଟାନକୋଭିକ୍ ବଲିଉଡର ଅନ୍ୟତମ ଜଣାଶୁଣା ଦମ୍ପତି । ଏହି ଦମ୍ପତି ସୋସିଆଲ ମିଡିଆରେ ବହୁତ ଆକ୍ଟିଭ ।
ଏହି ଯୋଡି ସେମାନଙ୍କର ସୁନ୍ଦର ଫଟୋ ସବୁବେଳେ ସୋସିଆଲ ମିଡିଆରେ ସେୟାର କରିଥାନ୍ତି ।
ନିକଟରେ ହାର୍ଦ୍ଦିକ ତାଙ୍କ ଇନଷ୍ଟାଗ୍ରାମରେ ଲେଡିଲଭ ନତାଶାଙ୍କ ସହିତ ଏକ ହାପି ସେଲଫି ସେୟାର କରିଛନ୍ତି ।
ଏହି ଫଟୋରେ, ଦମ୍ପତି କାରରେ ବସି ସେଲଫି ପାଇଁ ପୋଜ୍ କରୁଥିବାର ନଜର ଆସିଛନ୍ତି । ଫଟୋରେ, ନତାଶା ଏକ ଷ୍ଟ୍ରାଇଡ୍ ସାର୍ଟରେ ଏବଂ ଏକ ବ୍ଲାକ ଟୋପିରେ ବହୁତ ସୁନ୍ଦର ଦେଖାଯାଉଥିଲେ । ଅନ୍ୟପଟେ, ହାର୍ଦ୍ଦିକ ଏକ ଧଳା ରଙ୍ଗର ସାର୍ଟ ପିନ୍ଧିଥିବାର ଦେଖିବାକୁ ମିଳିଛି ।
ଏହି ଦମ୍ପତି ସେମାନଙ୍କ ଫଟୋସୁଟରୁ ବହୁ ଫଟୋ ସେୟାର କରୁଛନ୍ତି ।
ଏହାପୂର୍ବରୁ ଏହି ହାର୍ଦ୍ଦିକ ଏକ ଫଟୋ ସେୟାର କରି ନତାସା ଗର୍ଭବତୀ ଥିବା କଥା କହିଥିଲେ ।
ପୋଷ୍ଟରେ ହାର୍ଦ୍ଦିକ ଲେଖିଛନ୍ତି ଯେ, "ନତାସା ଏବଂ ମୁଁ ଏକତ୍ର ବହୁତ ଭଲ ଯାତ୍ରା କରିଛୁ ବର୍ତମାନ ଏହା ଆହୁରି ଭଲ ହେବାକୁ ଯାଉଛି। ଖୁବଶୀଘ୍ର ଆମ ଜୀବନରେ ଜଣେ ନୂଆ ସଦସ୍ୟଙ୍କୁ ସ୍ବାଗତ କରିବାକୁ ଆମେ ବହୁତ ଉତ୍ସାହିତ। ଆମ ଜୀବନର ଏହି ନୂଆ ଆରମ୍ଭରେ ଆମେ ବହୁତ ଖୁସି ଏବଂ ଆପଣଙ୍କ ଆଶୀର୍ବାଦ କାମନା କରୁଛୁ " ।
