ହାଇଦ୍ରାବାଦ: ଅନୁପମ ଖେର ଏବଂ ମିଥୁନ ଚକ୍ରବର୍ତ୍ତୀଙ୍କ ଅଭିନୀତ ଫିଲ୍ମ 'ଦ କାଶ୍ମୀର ଫାଇଲ' ବକ୍ସ ଅଫିସରେ ଧମାଲ ମଚାଇଛି। ଏହି ଚଳଚ୍ଚିତ୍ରଟି ମାର୍ଚ୍ଚ 11 ରେ ଦେଶର ବଛା ବଛା ପ୍ରେକ୍ଷାଳୟରେ ମୁକ୍ତିଲାଭ କରିଥିଲା, ଏହା ସତ୍ତ୍ୱେ ଚଳଚ୍ଚିତ୍ରଟି ପ୍ରଥମ ଦିନରେ ବହୁତ ରୋଜଗାର କରିଛି । କହିବାକୁ ଗଲେ, ଅନେକ ଟେଷ୍ଟରେ ପାସ ହେବା ପରେ ଫିଲ୍ମ ପ୍ରେକ୍ଷାଳୟରେ ପହଞ୍ଚିଥିଲା । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ବିବେକ ରଂଜନ ଅଗ୍ନିହୋତ୍ରୀ ।
ସାରା ଦେଶରେ ମନୋନୀତ ପ୍ରେକ୍ଷାଳୟର 630 ରୁ ଅଧିକ ସ୍କ୍ରିନରେ ଚାଲୁଥିବା ଫିଲ୍ମ 'ଦ କାଶ୍ମୀର ଫାଇଲ'ର ଉଦଘାଟନୀ ଦିନରେ ଆଶା କରାଯାଉଥିବା 3.55 କୋଟିରୁ ଅଧିକ ଆୟ ହୋଇଛି । ପ୍ରସିଦ୍ଧ ଚଳଚ୍ଚିତ୍ର ଟ୍ରେଡ଼ ଆନାଲିଷ୍ଟ ତରଣ ଆଦର୍ଶ ଏହି ଚଳଚ୍ଚିତ୍ରର ରୋଜଗାରର ଫଟୋ ସେୟାର କରିଛନ୍ତି । ସପ୍ତାହକ ମଧ୍ୟରେ ଫିଲ୍ମର ରୋଜଗାରରେ ଆହୁରି ଅଧିକା ବଢିବ ବୋଲି ଟ୍ରେଡ଼ ଆନାଲିଷ୍ଟ ତରଣଙ୍କର ବିଶ୍ୱାସ ରହିଛି ।
ତରଣ ଟ୍ୱିଟ୍ କରି ଲେଖିଛନ୍ତି, 'ଦ କାଶ୍ମୀର ଫାଇଲ' ବକ୍ସ ଅଫିସରେ ଆଶ୍ଚର୍ଯ୍ୟଜନକ କାମ କରି ପ୍ରଥମ ଦିନରେ 3.55 କୋଟି ଟଙ୍କା ଆୟ କରିଛି। ବରଂ ଚଳଚ୍ଚିତ୍ରଟି ସୀମିତ ପ୍ରେକ୍ଷାଳୟରେ ଚାଲିଛି, ଚଳଚ୍ଚିତ୍ର କ୍ରମାଗତ ଭାବରେ ରୋଜଗାରରେ ବୃଦ୍ଧି ପାଉଛି, ଦ୍ୱିତୀୟ ଏବଂ ତୃତୀୟ ଦିନ ସନ୍ଧ୍ୟା ଏବଂ ରାତି ଶୋ’ରେ ଫିଲ୍ମର ରୋଜଗାରରେ ଅସାଧାରଣ ବୃଦ୍ଧି ଘଟିଛି, ଫିଲ୍ମ ପ୍ରଥମ ଦିନରେ 3.55 କୋଟି ଟଙ୍କା ରୋଜଗାର କରିଛି ।