ମୁମ୍ବାଇ: 'ଦି ଇମୋର୍ଟାଲ ଅଶ୍ବଥାମା' ଫିଲ୍ମ ସୁଟିଂ ଏଯାଏଁ ଆରମ୍ଭ ହୋଇ ପାରିନାହିଁ । ଏହାକୁ ନେଇ ମୁହଁ ଖୋଲିଛନ୍ତି ଭିକି କୌଶଲ । ଏହି ଫିଲ୍ମ ନିର୍ମାଣ ପାଇଁ ବର୍ତ୍ତମାନ ସୁଦ୍ଧା ଠିକ୍ ସମୟ ଆସିନାହିଁ ବୋଲି ସେ କହିଛନ୍ତି । ଏହି ଫିଲ୍ମର ମୁଖ୍ୟ ଭୁମିକାରେ ନଜର ଆସିବେ ଭିକି କୌଶଲ ।
ଏହି ଫିଲ୍ମରେ ଭିକିଙ୍କୁ ସୁପର ଆକ୍ସନ କରୁଥିବା ଦେଖିବାକୁ ମିଳିବ ବୋଲି ଫିଲ୍ମ କ୍ରିଟିକ୍ମାନେ ମତ ଦେଇଛନ୍ତି । 'ଉରି: ଦି ସର୍ଜିକାଲ ଷ୍ଟ୍ରାଇକ୍' ଫିଲ୍ମର ନିର୍ଦ୍ଦେଶନା ଦାୟିତ୍ବରେ ଥିବା ଆଦିତ୍ୟ ଧର ଏହି ଆକ୍ସନ ଫିଲ୍ମର ନିର୍ଦ୍ଦେଶକ ଦାୟିତ୍ବରେ ରହିଛନ୍ତି । ୨୦୨୧ ଅପ୍ରେଲ ମାସରେ ଏହି ଫିଲ୍ମର ସୁଟିଂ ଆରମ୍ଭ ହେବାନେଇ ଘୋଷଣା କରାଯାଇଥିଲା । ତେବେ କମ ବଜେଟ ଯୋଗୁଁ ଏହି ଫିଲ୍ମର ସୁଟିଂ ଆରମ୍ଭ ହୋଇ ପାରିନଥିବା ରିପୋର୍ଟ ପ୍ରକାଶ ପାଇଥିଲା ।