ଚୁଲବୁଲି ନାୟରାଙ୍କୁ ଦାଦା ସାହେବ ଫାଲକେ ଆୱାର୍ଡ

ଲୋକପ୍ରିୟ ଟିଭି ଧାରାବାହିକ 'ୟେ ରିସ୍ତା କ୍ୟା କେହେଲାତା ହୈ' ର ଫେମ କପଲ କାର୍ତ୍ତିକ-ନାୟରାଙ୍କ ଯୋଡିକୁ ମିଳିଛି ଦାଦା ସାହେବ ଫାଲକେ ଆୱାର୍ଡ ।

ଦେରାଡୁନ: ଷ୍ଟାରପ୍ଲସରେ ପ୍ରସାରିତ ହେଉଥିବା ଲୋକପ୍ରିୟ ଟିଭି ଧାରାବାହିକ 'ୟେ ରିସ୍ତା କ୍ୟା କେହେଲାତା ହୈ' ର ଫେମ କପଲ କାର୍ତ୍ତିକ-ନାୟରାଙ୍କ ଫ୍ୟାନ୍ସଙ୍କ ପାଇଁ ଖୁସି ଖବର । ଏହି ଲୋକପ୍ରିୟ ଯୋଡିକୁ ସର୍ବଶ୍ରେଷ୍ଠ ଯୋଡି ଭାବେ ମିଳିଛି ଦାଦା ସାହେବ ଫାଲକେ ଆୱାର୍ଡ । ବୁଧବାର ମୁମ୍ବାଇରେ ଆୟୋଜିତ ଦାଦା ସାହେବ ଫାଲକେ ଆୱାର୍ଡ କାର୍ଯ୍ୟକ୍ରମରେ ଦେରାଢୁନର ଚୁଲବୁଲି ଝିଅ ଶିବାଙ୍ଗୀ ଯୋଶୀ(ନାୟରା) ଓ ମୋହାସିନ ଖାନ(କାର୍ତ୍ତିକ) ଙ୍କୁ ସର୍ବଶ୍ରେଷ୍ଠ ଯୋଡି ଭାବେ ଏହି ଆୱାର୍ଡରେ ସମ୍ମାନୀତ କରାଯାଇଛି ।

ତାଙ୍କର ଏତେବଡ ଉପଲବ୍ଧି ପାଇଁ ଶିବାଙ୍ଗୀଙ୍କ ବନ୍ଧୁ ପରିଜନଙ୍କ ମହଲରେ ବେଶ ଖୁସିର ମାହୋଲ ରହିଛି । ଶିବାଙ୍ଗୀ ସାରା ଦେଶରେ ନିଜ ନାଁ ପରିବର୍ତ୍ତେ ନାୟରା ନାମରେ ବେଶ ପରିଚି । ଷ୍ଟାରପ୍ଲସରେ ପ୍ରସାରିତ ହେଉଥିବା ଲୋକପ୍ରିୟ ଟିଭି ଧାରାବାହିକ 'ୟେ ରିସ୍ତା କ୍ୟା କହୈଲାତା ହୈ' ର କାର୍ତ୍ତିକ-ନାୟରାଙ୍କ ଏହି ଯୋଡିକୁ ଲୋକେ ଭାରି ପସନ୍ଦ ମଧ୍ୟ କରନ୍ତି ।