ମୁମ୍ବାଇ: ତାମିଲ ସୁପରଷ୍ଟାର ୟଶଙ୍କ 35ତମ ଜନ୍ମଦିନ ଶୁକ୍ରବାର ଥିଲା । ଏହି ଅବସରରେ ତାଙ୍କ ବହୁ ପ୍ରତିକ୍ଷିତ ଫିଲ୍ମ ‘କେଜିଏଫ ଚାପ୍ଟର 2’ର ଟିଜର ରିଲିଜ କରିଥିଲେ ମେକର୍ସ । ଏହାର ପ୍ରଥମ ଭାଗ ‘କେଜିଏଫ’ ବ୍ଲକବଷ୍ଟର ହେବା ପରଠୁ ଦର୍ଶକ ଦ୍ବିତୀୟ ଭାଗ ଦେଖିବାକୁ ବ୍ୟାକୁଳ । ଏମିତିରେ ଟିଜର ରିଲିଜ କରି ସମସ୍ତଙ୍କ ଉତ୍ସାହିତ ଦୁଇଗୁଣ ବଢାଇଦେଇଛନ୍ତି ମେକର୍ସ । ଆଉ ଟିଜର ରିଲିଜ ହେବାର କିଛି ଘଣ୍ଟା ମଧ୍ୟରେ 50 ମିଲିୟନରୁ ଅଧିକ ଭ୍ୟୁ ମିଳିଛି । ଯାହାକୁ ନେଇ ମେକର୍ସଙ୍କ ଖୁସି ନକହିଲେ ସରେ ।
‘କେଜିଏଫ 2’ର ଧମାଲ, 24 ଘଣ୍ଟାରେ 50 ମିଲିୟନ ଭ୍ୟୁ
ଗୁରୁବାର ସନ୍ଧ୍ୟାରେ ରିଲିଜ ହୋଇଥିଲା ‘କେଜିଏଫ 2’ର ଟିଜର । ଆଉ ରିଲିଜର ଗୋଟିଏ ଦିନ ମଧ୍ୟରେ 50ରୁ ଅଧିକ ମିଲିୟନ ଭ୍ୟୁ ମିଳିଛି । ଯାହା ଏକ ନୂଆ ରେକର୍ଡ ସୃଷ୍ଟି କରିଛି ।
ଫଟୋ ସୌଜନ୍ୟ: ଇନଷ୍ଟାଗ୍ରାମ@ୟଶ
ଏକ ମିଲିୟନ ଲାଇକ ସହିତ ଏକ ଘଣ୍ଟା ମଧ୍ୟରେ ଟିଜର ଏହାର ଆକଳନ ସହିତ ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା । ପ୍ରଶଂସକଙ୍କ ମଧ୍ୟରେ ଏପରି ଉତ୍ସାହ ଦେଖାଦେଇଥିଲା ଯେ ମୂଳ କାର୍ଯ୍ୟସୂଚୀ ପୂର୍ବରୁ ଟିଜରକୁ ରିଲିଜ କରିବାକୁ ପଡିଥିଲା । ଫ୍ରାଞ୍ଚାଇଜ ଏବଂ ଷ୍ଟାରକାଷ୍ଟଙ୍କ ଲୁକ୍ ପ୍ରଶଂସକଙ୍କୁ ଉତ୍ସାହିତ କରିଛି ଏବଂ ବହୁ ପ୍ରତୀକ୍ଷିତ ଟିଜର ରିଲିଜ ହେବା ଦିନଠାରୁ ଶାନଦାର ରିଭ୍ୟୁ ମିଳିବାରେ ଲାଗିଛି ।
ପ୍ରକାଶ ଥାଉକି ୟଶଙ୍କ ସହ ପ୍ରଥମଥର ପରଦାରେ ଭିଲେନ ହୋଇ ଲଢିବେ ବି-ଟାଉନର ମୁନ୍ନା ଭାଇ ସଞ୍ଜୟ ଦତ୍ତ । ସେହିପରି ରବୀନା ଟଣ୍ଡନଙ୍କ ଦମଦାର ଅନ୍ଦାଜ ଫିଲ୍ମରେ ଦେଖିବାକୁ ମିଳିବ । ଏବର୍ଶ ଫିଲ୍ମ ରିଲିଜ କରିବାକୁ ଯୋଜନା କରିଛନ୍ତି ମେକର୍ସ ।