ମୁମ୍ବାଇ: ଲୋକପ୍ରିୟ ଅଭିନେତ୍ରୀ ତବ୍ବୁ ଖୁବଶୀଘ୍ର ବି-ଟାଉନର ଛୋଟେ ନୱାବ ସୈଫ ଅଲ୍ଲୀ ଖାନଙ୍କ ସହ ପରଦାରେ ନଜର ଆସିବେ । ଆଗାମୀ ଫିଲ୍ମ 'ଜୱାନୀ ଜାନେମନ'ରୁ ତବ୍ବୁଙ୍କ ଫାଷ୍ଟ ଲୁକ ଜାରି ହୋଇଯାଇଛି । ଯାହାକୁ ସୋସିଆଲ ମିଡିଆରେ ସେୟାର କରିଛନ୍ତି ସେ । ଏହି ଫିଲ୍ମ ଜରିଆରେ ଅଭିନେତ୍ରୀ ପୂଜା ବେଦୀଙ୍କ ଲାଡଲୀ ଆଲାୟିଆ ଫର୍ନିଚରୱାଲା ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି ।
'ଜୱାନୀ ଜାନେମନ'ର ସୁଟିଂ ଲଣ୍ଡନରେ ଗତ ଜୁନରୁ ଆରମ୍ଭ ହୋଇଯାଇଛି । ଅନ୍ୟପଟେ ତବ୍ବୁ ନିଜ ଇନଷ୍ଟାଗ୍ରାମରେ ସେୟାର କରିଥିବା ଫିଲ୍ମର ଫାଷ୍ଟଲୁକରେ ସେ ବ୍ଲାକ ଟପ ବ୍ଲୁ ଜିନ୍ସ ଏବଂ ବ୍ରାଉନ ବୁଟ ପିନ୍ଧିଥିବାର ଦେଖାଯାଉଛନ୍ତି ।