ଅନୁରାଗ କଶ୍ୟପଙ୍କ ନାଁରେ ଯୌନ ନିର୍ଯାତନା ମାମଲା, ସମର୍ଥନରେ ବଲିଉଡ

ଅଭିନେତ୍ରୀ ପାୟଲ ଘୋଷ ଚଳଚ୍ଚିତ୍ର ନିର୍ମାତା ଅନୁରାଗ କଶ୍ୟପଙ୍କ ବିରୋଧରେ ଯୌନ ନିର୍ଯାତନା ଅଭିଯୋଗ କରିବା ପରେ ବଲିଉଡ ସେଲିବ୍ରିଟିମାନେ ଅନୁରାଗଙ୍କୁ ସମର୍ଥନ କରିଛନ୍ତି। ଅଧିକ ପଢନ୍ତୁ...

ମୁମ୍ବାଇ: ବଲିଉଡ ଅଭିନେତ୍ରୀ ପାୟଲ ଘୋଷ ନିର୍ମାତା-ନିର୍ଦ୍ଦେଶକ ଅନୁରାଗ କଶ୍ୟପଙ୍କ ବିରୋଧରେ ଗୁରୁତର ଅଭିଯୋଗ କରିଛନ୍ତି। ପାୟଲ ଅନୁରାଗଙ୍କ ବିରୋଧରେ ଯୌନ ନିର୍ଯାତନା ଅଭିଯୋଗ ଆଣିଛନ୍ତି ।

ଅଭିନେତ୍ରୀ ପାୟଲ ଘୋଷ ଚଳଚ୍ଚିତ୍ର ନିର୍ମାତା ଅନୁରାଗ କଶ୍ୟପଙ୍କ ବିରୋଧରେ ଯୌନ ନିର୍ଯାତନା ଅଭିଯୋଗ କରିବା ପରେ ବଲିଉଡ ସେଲିବ୍ରିଟିମାନେ ଅନୁରାଗଙ୍କୁ ସମର୍ଥନ କରିଛନ୍ତି।

ଏହି ଅଭିଯୋଗ ପରେ ବଲିଉଡ ସେଲିବ୍ରିଟି ତାପସୀ ପନ୍ନୁ, ଅନୁଭବ ସିହ୍ନା, ଟିସ୍କା ଚୋପ୍ରା ଏବଂ ସୁରଭିନ ଚାୱଲା ଅନୁରାଗଙ୍କ ସମର୍ଥନ କରିଛନ୍ତି।

ଅନୁରାଗଙ୍କୁ ସମର୍ଥନ କରି ତାପସୀ ଲେଖିଛନ୍ତି, ତୁମେ ମୋର ବନ୍ଧୁ ଏବଂ ତୁମେ ସବୁଠୁ ବଡ ଫେମିନିଷ୍ଟ । ଆମେ ଖୁବ୍ ଶୀଘ୍ର ସେଟ୍ ରେ ଭେଟିବା, ଯେଉଁଥିରେ ତୁମେ ମହିଳାମାନଙ୍କୁ ପାଓ୍ବାର୍‌ ଦେଖାଇବାକୁ ଯାଉଛ ।’

ତାପସୀ ଅନୁରାଗଙ୍କ ସହ 'ମନମର୍ଜିଆ' ଏବଂ 'ସାଣ୍ତ କି ଆଙ୍ଖ' ଭଳି ଚଳଚ୍ଚିତ୍ରରେ କାମ କରିଛନ୍ତି।

ସିହ୍ନା କହିଛନ୍ତି ଯେ, #ମିଠୁ ଆନ୍ଦୋଳନ ହେଉଛି ନିର୍ଯ୍ୟାତିତ ମହିଳାଙ୍କ ସ୍ବରକୁ ବୃଦ୍ଧି କରିବା ଏବଂ ଏହାର ଅପବ୍ୟବହାର କରାଯିବା ଉଚିତ ନୁହେଁ।

ନେଟଫ୍ଲିକ୍ସ ସିରିଜ୍ ସେକ୍ରେଡ୍ ଗେମ୍ସରେ ଚଳଚ୍ଚିତ୍ର ନିର୍ମାତାଙ୍କ ସହ କାମ କରିଥିବା ସୁରଭିନ କହିଛନ୍ତି ଯେ, ନିର୍ଦ୍ଦେଶକଙ୍କ ବିରୋଧରେ ଏହି ଅଭିଯୋଗ "ସୁବିଧାବାଦୀ" ଅଟେ।

କ୍ଷୁଦ୍ର ଚଳଚ୍ଚିତ୍ର "ଛୁରୀ" ରେ କାଶ୍ୟପ ଏବଂ ଚାୱଲାଙ୍କ ସହ ଅଭିନୟ କରିଥିବା ଚୋପ୍ରା କହିଛନ୍ତି ଯେ, ସେ ମୋର ବନ୍ଧୁ ଏବଂ ଜଣେ ସଚ୍ଚୋଟ ବ୍ୟକ୍ତି ଏହା ସଂପୂର୍ଣ୍ଣ ଭୀତ୍ତିହୀନ ଅଭିଯୋଗ ।

ଏହାପୂର୍ବରୁ କଶ୍ୟପ ଏହି ଅଭିଯୋଗକୁ ଖାରଜ କରି ଏହା ସଂପୂର୍ଣ୍ଣ ମିଥ୍ୟା ଏବଂ ଭୀତ୍ତିହୀନ ବୋଲି କହିଥିଲେ।

ବ୍ୟୁରୋ ରିପୋର୍ଟ, ଇଟିଭି ଭାରତ