ମୁମ୍ବାଇ: ବି-ଟାଉନର ଚୁଲବୁଲ ଅଭିନେତ୍ରୀ ତାପସୀ ପନ୍ନୁ ଏବର୍ଷ ଅନେକ ଫିଲ୍ମରେ ନଜର ଆସିବେ । ତାଙ୍କ ଚର୍ଚ୍ଚିତ ଫିଲ୍ମ ‘ଥାପଡ’ରେ ଦର୍ଶକ ଦେଖିବାକୁ ପାଇବେ ଦମଦାର କାହାଣୀ । ଯାହାର ଟ୍ରେଲର ଆଜି(ଶୁକ୍ରବାର) ରିଲିଜ ହୋଇଯାଇଛି । ପ୍ରାୟତଃ ବୈବାହିକ ଜୀବନରେ ହିଂସାକୁ ପ୍ରେମ ଏବଂ ଯତ୍ନ ନାମରେ ସଠିକ୍ ସାବ୍ୟସ୍ତ କରିବାକୁ ଚେଷ୍ଟା କରାଯାଇଥାଏ । ହେଲେ ଫିଲ୍ମର ଟ୍ରେଲରରେ ଗୋଟିଏ ଚାପୁଡା ପାଇଁ କେମିତି ସମ୍ପର୍କ ନଷ୍ଟ ହୋଇଯାଇଥାଏ ତାହା ପର୍ଯ୍ୟବେଶିତ କରାଯାଇଛି ।
‘ଥାପଡ’ର ଟ୍ରେଲର ଖୁବ୍ ଦମଦାର ହୋଇଛି । ଯେଉଁଥିରେ ତାପସୀ ନିଜ ସ୍ବାମୀଙ୍କୁ ଛାଡପତ୍ର ଦେବାକୁ ଯାଉଛନ୍ତି । ତାଙ୍କ ସ୍ବାମୀ ସମସ୍ତଙ୍କ ସାମ୍ନାରେ ତାଙ୍କୁ ଜୋରରେ ଚାପୁଡା ମାରିଥିଲେ । ଲୋକଙ୍କ ପାଇଁ ଏକା କେବଳ ଗୋଟିଏ ଚାପୁଡା ହୋଇପାରେ । ହେଲେ ପତ୍ନୀଙ୍କ ପାଇଁ ଏହା କେବଳ ଚାପୁଡା ନଥିଲା । ଏହି ହିଂସାକୁ ଆଧାର କରି ସେ ସ୍ବାମୀଙ୍କୁ ଛାଡପତ୍ର ଦେବାକୁ ନିଷ୍ପତ୍ତି ନେଇଛନ୍ତି । ଯାହାପରେ ତାଙ୍କ ପରିବାର ସଦସ୍ୟଙ୍କଠୁ ନେଇ ବନ୍ଧୁବାନ୍ଧବ ତାଙ୍କ ସମାଲୋଚନା କରୁଥିବାର ନଜର ଆସୁଛନ୍ତି ।