ମୁମ୍ବାଇ: ନିର୍ଦ୍ଦେଶକ ଅନୁଭବ ସିହ୍ନାଙ୍କ ଗତ ବର୍ଷ ରିଲିଜ ହୋଇଥିବା ଫିଲ୍ମ ‘ମୁଲ୍କ’ ଓ ‘ଆର୍ଟିକଲ 15’ ଏମିତି ଫିଲ୍ମ ଥିଲା । ଯାହା ଭାରତୀୟ ସମାଜରେ ଚାଲିଥିବା ମୁଖ୍ୟ ପ୍ରସଙ୍ଗକୁ ନେଇ ଆଧାରିତ ହୋଇଥିଲା । ‘ମୁଲ୍କ’ ସମ୍ପ୍ରଦାୟକ ପ୍ରସଙ୍ଗ ଉପରେ ନିର୍ମାଣ ହୋଇଥିବା ବେଳେ ‘ଆର୍ଟିକଲ 15’ ଜାତିଗତ ଭେଦଭାବ ପ୍ରସଙ୍ଗ ଦେଖିବାକୁ ପାଇଥିଲେ ଦର୍ଶକ । ଆଉ ଏବେ ସେ ପ୍ରସ୍ତୁତ ହୋଇଯାଇଛନ୍ତି ନିଜ ଆଗାମୀ ଫିଲ୍ମ ‘ଥାପଡ’ ନେଇ ପରଦାକୁ ଫେରିବା ପାଇଁ । ଏବେ ଏହି ଫିଲ୍ମର ଫାଷ୍ଟଲୁକ ପୋଷ୍ଟର ଜାରି କରାଯାଇଛି ।
ଫିଲ୍ମରେ ମୁଖ୍ୟ ଭୂମିକାରେ ନଜର ଆସିବେ ବି-ଟାଉନର ଚୁଲବୁଲି ଅଭିନେତ୍ରୀ ତାପସୀ ପନ୍ନୁ । ଫାଷ୍ଟଲୁକ ପୋଷ୍ଟରରେ ଯେମିତି ତାପସୀଙ୍କୁ କିଏ ଜୋରରେ ଚାପୁଡା ମାରିଥିବାର ନଜର ଆସୁଛନ୍ତି । ପୋଷ୍ଟରେ ତାଙ୍କ ଗାଲ ଲାଲ ମଧ୍ୟ ନଜର ଆସୁଛି । ସୋସିଆଲ ମିଡିଆରେ ପୋଷ୍ଟର ସେୟାର କରି ତାପସୀ ଲେଖିଛନ୍ତି, ‘କଣ ଏହା କେବଳ ସାମାନ୍ୟ କଥା ? କଣ ପ୍ରେମରେ ଏହା ମଧ୍ୟ ଠିକ୍ କଥା । ଥାପଡର ପ୍ରଥମ ଝଲକ ।’