ମୁମ୍ବାଇ: ଅଭିନେତ୍ରୀ ତାପସୀ ପନ୍ନୁ ବର୍ତ୍ତମାନ ସଫଳତାର ଶୀର୍ଷରେ । ତାଙ୍କ ଅଭିନୀତ ଫିଲ୍ମ 'ବଦଲା' ବକ୍ସଅଫିସରେ ଶାନଦାର କଲେକ୍ସନ କରିଥିବାବେଳେ ଅଭିନେତ୍ରୀ ଭୂମି ପାଣ୍ଡେକର ମଧ୍ୟ ଅନେକ ଫିଲ୍ମ ପ୍ରୋଜେକ୍ଟରେ ବ୍ୟସ୍ତ । କିନ୍ତୁ ଏ କଣ, ଉଭୟ ଗ୍ଲାମର ଦୁନିଆ ଛାଡି ଗୋଟିଏ ଗାଁ'ରେ ଘଷି ପାରିବାରେ ବ୍ୟସ୍ତ ! ଚାଲନ୍ତୁ ଜାଣିବା କାହିଁକି ?
ଫିଲ୍ମ 'ବଦଲା'ରେ ପୁଣିଥରେ ବିଗ-ବି ଓ ତାପସୀଙ୍କ ଯୋଡି ଦେଖିବାକୁ ମିଳିଛି । ଏହାପୂର୍ବରୁ ଫିଲ୍ମ ପିଙ୍କରେ ଦୁଇ ଷ୍ଟାର ଏକାଠି ନଜର ଆସିସାରିଛନ୍ତି । 'ବଦଲା' ଫିଲ୍ମ 'ପିଙ୍କ'ର ମଧ୍ୟ ରେକର୍ଡ ଭାଙ୍ଗି କରିଛି ନୂଆ ରେକର୍ଡ ।
ଏହା ବ୍ୟତୀତ ତାପସୀଙ୍କ ପାଖରେ ଆଉ ଏକ ନୂଆ ପ୍ରୋଜେକ୍ଟ ରହିଛି । ଅନୁରାଗ କଶ୍ୟପଙ୍କ ଫିଲ୍ମ 'ସାଣ୍ଡ କି ଆଖଁ'ରେ ତାପସୀ ଏବଂ ଭୂମି ପାଣ୍ଡେକରଙ୍କ ଯୋଡି ଦର୍ଶକଙ୍କୁ ନିଜ ଯାଦୁ ଦେଖାଇବାକୁ ବି ଆରମ୍ଭ କରିଦେଇଛନ୍ତି ପ୍ରସ୍ତୁତି । ଏମଧ୍ୟରେ ଫିଲ୍ମର ଆଉ ଏକ ପୋଷ୍ଟର ମଧ୍ୟ ରିଲିଜ କରିଛନ୍ତି ନିର୍ମାତା । ଯାହାଦ୍ବାରା ଦର୍ଶକଙ୍କୁ ଫିଲ୍ମ ବିଷୟରେ କିଛି କ୍ଲୁ ମିଳୁଛି ।