ମୁମ୍ବାଇ: ତାପସୀ ପନ୍ନୁ ଓ ଭୂମି ପେଦନେକରଙ୍କ ଫିଲ୍ମ 'ଷାଣ୍ଢ କି ଆଂଖ'ର ଟିଜର ରିଲିଜ ହୋଇଯାଇଛି । ଏହି ଫିଲ୍ମ ବାଗପତର ସୁଟର ଦାଦି ଚନ୍ଦ୍ରା ଓ ପ୍ରକାଶି ତୋମରଙ୍କ ଜୀବନ ଉପରେ ଆଧାରିତ । ଟିଜରରେ ଜେଜେମା’ଙ୍କ ରୋଲରେ ତାପସୀ ଓ ଭୂମି ନଜର ଆସୁଛନ୍ତି । ଟିଜରଟି ଦର୍ଶକଙ୍କୁ ଖୁବ୍ ପ୍ରଭାବିତ କରିବା ନେଇ ଆଶା ବାନ୍ଧିଛନ୍ତି ମେକର୍ସ । କାରଣ ତାପସୀ ଓ ଭୂମି ପ୍ରଥମଥର ପରଦାରେ ବୃଦ୍ଧାଙ୍କ ଭୂମିକାରେ ଅଭିନୟ କରୁଛନ୍ତି ।
ଫଟୋ ସୌଜନ୍ୟ: ଟ୍ବିଟର@ତରଣ ଆଦର୍ଶନ
ଦୁଇଷ୍ଟାର ସୁଟିଂ ସେଟରୁ ଅନେକ ଫଟୋ ସୋସିଆଲ ମିଡିଆରେ ପୂର୍ବରୁ ସେୟାର କରିଥିବା ଦେଖିବାକୁ ମିଳିଥିଲା । ଫିଲ୍ମ ଏବର୍ଷ ଦୀପାବଳିରେ ବଡ ପରଦାରେ ରିଲିଜ ହେବ । ଟିଜର ରିଲିଜ ଅବସରରେ ଫିଲ୍ମ କ୍ରିଟିକ ତରଣ ଆଦର୍ଶ ଟ୍ବିଟରରେ ଟିଜରଟି ସେୟାର କରିଛନ୍ତି ।