ସୁଶାନ୍ତଙ୍କ ମୃତଦେହର ଭାଇରାଲ ଫଟୋ, ଭିଡିଓକୁ ନେଇ ମୁମ୍ବାଇ ପୋଲିସକୁ ସ୍ବସ୍ତିକାଙ୍କ ପ୍ରଶ୍ନ

ଆଜିକାଲି ସୁଶାନ୍ତଙ୍କ ମୃତଦେହର କିଛି ଫଟୋ ଏବଂ ଭିଡିଓ ସୋସିଆଲ ମିଡିଆରେ ବହୁତ ଭାଇରାଲ ହେବାରେ ଲାଗିଛି । ଏହା ଉପରେ ଲୋକପ୍ରିୟ ବଙ୍ଗୀୟ ଅଭିନେତ୍ରୀ ସ୍ବସ୍ତିକା ମୁଖାର୍ଜୀ ଟ୍ୱିଟରରେ ମୁମ୍ବାଇ ପୋଲିସକୁ ଏକ ନୋଟ୍ ଲେଖିଛନ୍ତି । ସେ କହିଛନ୍ତି, ସୋସିଆଲ ମିଡିଆରୁ ସୁଶାନ୍ତଙ୍କ ମୃତଦେହ ଫଟୋ ଏବଂ ଭିଡିଓ ଡିଲିଟ କରାଯାଉ ଏବଂ ଏପରି ଘୃଣ୍ୟ କାର୍ଯ୍ୟ କରୁଥିବା ବ୍ୟକ୍ତିମାନଙ୍କୁ ଗିରଫ କରିବାକୁ କହିଥିଲେ । ଅଧିକ ପଢନ୍ତୁ...

ହାଇଦ୍ରାବାଦ: ଅଭିନେତା ସୁଶାନ୍ତ ସିଂ ରାଜପୁତଙ୍କ ଦେହାନ୍ତ ହେବା ପରେ ବଲିଉଡ ଇଣ୍ଡଷ୍ଟ୍ରି ସମେତ ସମଗ୍ର ଦେଶରେ ଶୋକର ଛାୟା ଖେଳିଯାଇଛି ।ନିକଟରେ, ସୁଶାନ୍ତଙ୍କ ମୃତଦେହର କିଛି ଫଟୋ ଏବଂ ଭିଡିଓ ସୋସିଆଲ ମିଡିଆରେ ବହୁତ ଭାଇରାଲ ହେବାରେ ଲାଗିଛି । ଏହା ଉପରେ ଲୋକପ୍ରିୟ ବଙ୍ଗୀୟ ଅଭିନେତ୍ରୀ ସ୍ବସ୍ତିକା ମୁଖାର୍ଜୀ ଟ୍ୱିଟରରେ ଉକ୍ତ ଭିଡିଓଗୁଡିକର ପ୍ରସାରଣକୁ ନେଇ ଅସନ୍ତୋଷ ବ୍ୟକ୍ତ କରିଛନ୍ତି ।

ମୁମ୍ବାଇ ପୋଲିସଙ୍କୁ ଟ୍ୟାଗ୍ କରି ସ୍ବସ୍ତିକା ଲେଖିଛନ୍ତି, ୟୁଟ୍ୟୁବରେ ସୁଶାନ୍ତଙ୍କ ମୃତଦେହର କିଛି ଫଟୋ ଏବଂ ଭିଡିଓ ଅପଲୋଡ୍ ହୋଇଛି । @ ମୁମ୍ବାଇ ପୋଲିସ୍ କାହିଁକି ସେହି ବ୍ୟକ୍ତିମାନଙ୍କୁ ଗିରଫ କରୁନାହିଁ ? ସୋସିଆଲ ମିଡିଆରୁ ସୁଶାନ୍ତଙ୍କ ମୃତଦେହ ଫଟୋ ଏବଂ ଭିଡିଓ ଡିଲିଟ କରାଯାଉ ଏବଂ ଏପରି ଘୃଣ୍ୟ କାର୍ଯ୍ୟ କରୁଥିବା ବ୍ୟକ୍ତିମାନଙ୍କୁ ଗିରଫ କରିବାକୁ ସେ କହିଛନ୍ତି ।

କାଇ ପୋ ଚେ ଅଭିନେତା ସୁଶାନ୍ତଙ୍କ ଜୁନ୍ 14 ରେ 34 ବର୍ଷ ବୟସରେ ଦେହାନ୍ତ ହୋଇଥିଲା । ମେଡିକାଲ ରିପୋର୍ଟ ଅନୁଯାୟୀ, ସେ ବହୁତ ଡିପ୍ରେସନରେ ଥିଲେ ବୋଲି ଜଣାଯାଇଛି । ପୋଲିସ ବର୍ତ୍ତମାନ ପ୍ରତ୍ୟେକ ଦିଗରୁ ଏହି ଘଟଣାର ତଦନ୍ତରେ ବ୍ୟସ୍ତ ଅଛି । କିଛି ଦିନ ପୂର୍ବରୁ ସୁଶାନ୍ତଙ୍କ ମୃତ୍ୟୁକୁ ନେଇ କିଛି ଲୋକ ସୋସିଆଲ ମିଡିଆରେ “ଫେକ୍ RIP” ବୋଲି ଲେଖିଥିଲେ । ଯାହାକୁ ନେଇ ସ୍ବସ୍ତିକା ଲୋକମାନଙ୍କୁ ନିନ୍ଦା କରିଥିଲେ ।

ସ୍ବସ୍ତିକା ପୂର୍ବରୁ 2015ରେ ଆକ୍ସନ୍-ଥ୍ରୀଲର ଡିଟେକ୍ଟିଭ୍ ବ୍ୟୋମୋକେଶ ବକ୍ସିରେ ସୁଶାନ୍ତଙ୍କ ସହ ଅଭିନୟ କରିଥିଲେ ।

ପ୍ରକାଶ ଥାଉ କି, ମୁକେଶ ଛାବ୍ରାଙ୍କ ନିର୍ଦ୍ଦେଶିତ ଚଳଚ୍ଚିତ୍ର ଦିଲ ବେଚାରାରେ ସୁଶାନ୍ତଙ୍କୁ ଶେଷଥର ପାଇଁ ଦେଖିବାକୁ ମିଳିବ ।