ମୁମ୍ବାଇ: ବଲିଉଡ ବିବାଦୀୟ ଅଭିନେତ୍ରୀ ସ୍ବରା ଭାସ୍କର ସବୁବେଳେ ସୋସିଆଲ ମିଡିଆରେ ବିବାଦୀୟ ବୟାନ ଦେଇ ୟୁଜର୍ସଙ୍କ ଟ୍ରୋଲର ଶିକାର ହୋଇଥାଆନ୍ତି । ଏବେ ସେ ପଣ୍ଡିତ ଜବାହର ଲାଲ ନେହୁରୁଙ୍କୁ ନେଇ ଏକ ଟ୍ବିଟ କରି ପୁଣି ଚର୍ଚ୍ଚାର ବିଷୟ ପାଲଟିଛନ୍ତି । ସେ ପ୍ରଶ୍ନ କରି ପୋଷ୍ଟରେ ଲେଖିଛନ୍ତି, ପଣ୍ଡିତ ଜବାହର ଲାଲ ନେହୁରୁ କେଉଁ ସଂସଦୀୟ ସିଟରୁ ନିର୍ବାଚନ ଲଢୁଛନ୍ତି । ଗତ ପାଞ୍ଚ ବର୍ଷରୁ ତାଙ୍କ ବିଷୟରେ ବେଶ୍ ଶୁଣିଆସୁଛି । ଏବର୍ଷ ନିର୍ବାଚନରେ ସେ ନେହୁରୁଙ୍କୁ ହିଁ ଭୋଟ ଦେବେ ।
ନିର୍ବାଚନରେ ନେହୁରୁଙ୍କୁ ଭୋଟ ଦେବେ ସ୍ବରା!
ଏବର୍ଷ ନିର୍ବାଚନରେ ଅଭିନେତ୍ରୀ ସ୍ବରା ଭାସ୍କର ନେହୁରୁଙ୍କୁ ଭୋଟ ଦେବାକୁ ଯାଉଛନ୍ତି । ଏହା ଆମେ କହୁନାହୁଁ, ସେ ନିଜେ ଏହି କଥା ଟ୍ବିଟରରେ ପୋଷ୍ଟ କରିଛନ୍ତି ।
ସ୍ବରା ଏହା ପୂର୍ବରୁ ମଧ୍ୟ ଅନେକ ରାଜନୀତି ପ୍ରସଙ୍ଗ ଉପରେ କହିସାରିଛନ୍ତି । କିଛି ଦିନ ପୂର୍ବରୁ ସେ କହ୍ନେୟା କୁମାରଙ୍କ ଉପରେ ଟ୍ବିଟ କରି ସୋସିଆଲ ମିଡିଆରେ ଚର୍ଚ୍ଚାରେ ଥିଲେ । ସେ ଟ୍ବିଟରରେ କହ୍ନେୟାଙ୍କ ଖୁବ୍ ପ୍ରଶଂସା କରିଥିଲେ ।
ସ୍ବରା, କହ୍ନେୟାଙ୍କ ଗୋଟିଏ ଭାଷଣରେ ଖୁବ୍ ଇମ୍ପ୍ରେସ ହୋଇଥିଲେ । ଏହି ଭାଷଣଟିକୁ ଜିଗ୍ନେଶ ମେୱାଣୀ ନିଜ ଟ୍ବିଟର ଆକାଉଣ୍ଟରେ ସେୟାର କରିଥିଲେ । ଭିଡିଓରେ କହ୍ନେୟା ଅଧିକାର ଓ ସମ୍ମାନର କଥା ହେଉଥିବାର ନଜର ଆସିଥିଲେ । ଯେମିତି ଏହି ଭାଷଣ ସ୍ବରା ଶୁଣିଥିଲେ, ସେ ଇମ୍ପ୍ରେସ ହୋଇ ରିଟ୍ବିଟ କରି କହ୍ନେୟାଙ୍କ ଖୁବ୍ ପ୍ରଶଂସା କରିଥିଲେ । ଏହାସହ କହ୍ନେୟାଙ୍କ ସଫଳତା ପାଇଁ ଶୁଭେଚ୍ଛା ମଧ୍ୟ କରିଥିଲେ ।