ମୁମ୍ବାଇ: ବଲିଉଡର ବିବାଦୀୟ ଅଭିନେତ୍ରୀ ସ୍ବରା ଭାସ୍କର କୌଣସି ନା କୌଣସି କାରଣରୁ ଚର୍ଚ୍ଚାରେ ଥାନ୍ତି । ନିଜ ବିବାଦୀୟ ବୟାନ ପାଇଁ ସବୁବେଳେ ଟ୍ରୋଲରର୍ସଙ୍କ ଶିକାର ମଧ୍ୟ ହୁଅନ୍ତି । ଏବେ ସେ ପୁଣି ୟୁଜର୍ସଙ୍କ ଟାର୍ଗେଟରେ । ଆଜି ଯେଉଁଠାରେ ପୁରା ଦେଶରେ ଗଣେଶ ଚତୁର୍ଥୀର ଉତ୍ସବ ଦେଖିବାକୁ ମିଳୁଛି । ସେହିଠାରେ ସ୍ବରା ମଧ୍ୟ ଏହି ପୂଜାରୁ ବାଦ ପଡିନଥିଲେ ।
ଘରେ ଗଣପତି ବାପ୍ପାଙ୍କୁ ସ୍ଥାପନ କରି ପୂଜାର୍ଚ୍ଚନା କରିଥିଲେ ସ୍ବରା । ଆଉ ଯାହାର ଫଟୋ ସେ ସୋସିଆଲ ମିଡିଆରେ ସେୟାର କରି ଫ୍ୟାନ୍ସଙ୍କୁ ଗଣେଶ ଚତୁର୍ଥୀର ଶୁଭେଚ୍ଛା ଜଣାଇଥିଲେ । ତାଙ୍କ ଫଟୋରେ କିଛି ୟୁଜର୍ସ ତାଙ୍କୁ ଶୁଭେଚ୍ଛା ଦେଇଥିବା ବେଳେ ଆଉ କିଛି ତାଙ୍କୁ ଖୁବ୍ ଟ୍ରୋଲ କରିଛନ୍ତି ।