ହାଇଦ୍ରାବାଦ: ଦେଶରେ ଏବେ ନିର୍ବାଚନୀ ମାହୋଲ । ବିଭିନ୍ନ ରାଜନୈତିକ ଦଳ ସହ ବଲିଉଡ କଳାକାର ମଧ୍ୟ ନିଜ ନିଜ ପସନ୍ଦର ଦଳ ଓ ପ୍ରାର୍ଥୀଙ୍କ ପାଇଁ ପ୍ରଚାର କରୁଛନ୍ତି । ତେବେ ବିହାରର ବେଗୁସରାଇରେ ସିପିଏମ ପ୍ରାର୍ଥୀ କହ୍ନେୟା କୁମାରଙ୍କ ସମର୍ଥନରେ ପ୍ରଚାର କରିଥିଲେ ସ୍ବରା ଭାସ୍କର । ଏହି ପ୍ରଚାରରେ ବିଜେପି ସରକାରକୁ ଟାର୍ଗେଟ କରିଥିଲେ ସ୍ବରା ।
ବିଜେପି ସରକାର କୃଷକଙ୍କୁ ଗୁଳି ମାରୁଛନ୍ତି ବୋଲି କହିଥିଲେ ସ୍ବରା । ମୁଖ୍ୟତଃ କୃଷକଙ୍କ ଆତ୍ମହତ୍ୟାକୁ ନେଇ ବିଜେପି ଉପରେ ବର୍ଷିଥିଲେ ଅଭିନେତ୍ରୀ । କୃଷକଙ୍କ ପାଇଁ ଆମକୁ ଖାଦ୍ୟ ମିଳୁଛି ବୋଧେ ବିଜେପି ସରକାର ଏକଥା ଭୁଲିଯାଇଛି । କିନ୍ତୁ ଆମେ ଭୁଲିନୁ ଆଉ ଆମେ ସରକାରଙ୍କୁ ମନେ ପକେଇଦବୁ ବୋଲି କହିଛନ୍ତି ସେ ।