ଆପର ନିର୍ବାଚନୀ ପ୍ରଚାରରେ ବିଜି ଅଛନ୍ତି ସ୍ବରା

କଣ୍ଟ୍ରୋଭର୍ସି ଅଭିନେତ୍ରୀ ସ୍ବରା ଭାସ୍କର ଓ ଗୁଲ ପନାଗ ଆମ ଆଦମୀ ପାର୍ଟି(ଆପ) ପାଇଁ ନିର୍ବାଚନ ପ୍ରଚାର କରିବାରେ ବ୍ୟସ୍ତ ଅଛନ୍ତି ।

ମୁମ୍ବାଇ: ସବୁବେଳେ ବିବାଦ ଘେରରେ ରହୁଥିବା ଅଭିନେତ୍ରୀ ସ୍ବରା ଭାସ୍କର ପ୍ରାୟତଃ ରାଜନୀତି ପ୍ରସଙ୍ଗ ଉପରେ ନିଜର ପକ୍ଷ ରଖୁଥିବାର ନଜର ଆସିଥାଆନ୍ତି । ଏହାକୁ ନେଇ ସେ ଅନେକ ସମୟ ସୋସିଆଲ ମିଡିଆରେ ଟ୍ରୋଲ ମଧ୍ୟ ହୋଇଛନ୍ତି । ଇତିମଧ୍ୟରେ ତାଙ୍କୁ ନେଇ ଏକ ଖବର ଶୁଣିବାକୁ ମିଳୁଛି ଯେ, ସେ ଆପ ନେତ୍ରୀ ତଥା ଅଭିନେତ୍ରୀ ଗୁଲ ପନାଗଙ୍କ ସହ ମିଶି ଆପ ଦଳର ନିର୍ବାଚନ ପ୍ରଚାରରେ ଲାଗିପଡିଛନ୍ତି ।

ସ୍ବରା ପୂର୍ବ ଦିଲ୍ଲୀର ଆପ ପ୍ରାର୍ଥୀ ଆତିଶୀଙ୍କ ପକ୍ଷରେ ପ୍ରଚାର କରୁଥିବା ବେଳେ ଗୁଲ ପନାଗ ଦକ୍ଷିଣ ଦିଲ୍ଲୀର ଆପ ପ୍ରାର୍ଥୀ ରାଘବ ଚଡ୍ଡାଙ୍କ ପକ୍ଷରେ ପ୍ରଚାର କରୁଛନ୍ତି ।

ପ୍ରକାଶ ଥାଉକି, ଅଭିନେତାରୁ ନେତା ହୋଇଥିବା ପ୍ରକାଶ ରାଜ ଏବଂ ଗୁଜୁରାଟର ବିଧାୟର ଜିଗ୍ନେଶ ମେୱାନୀ ପୂର୍ବ ଦୁଇ ଦିନରୁ ଆପର ପ୍ରଚାର ଅଭିଯାନରେ ଯୋଗ ଦେଇଥିଲେ । ଏହାପୂର୍ବରୁ ସ୍ବରା, ପ୍ରକାଶ ଓ ଜିଗ୍ନେଶ ବିହାର ବେଗୁସରାୟର ପ୍ରାର୍ଥୀ କହ୍ନେୟା କୁମାରଙ୍କ ପାଇଁ ମଧ୍ୟ ପ୍ରଚାର କରିଥିଲେ ।