ମୁମ୍ବାଇ: ଦିବଙ୍ଗତ ଅଭିନେତା ଇରଫାନ ଖାନଙ୍କ ପତ୍ନୀ ତଥା ଲେଖିକା ସୁତାପା ସିକଦାର ସ୍ବାମୀଙ୍କୁ ନୂଆ ବର୍ଷରେ ମନେ ପକାଇଛନ୍ତି । ସେ ସୋସିଆଲ ମିଡିଆରେ ଏକ ଭାବବିହ୍ବଳ ପୋଷ୍ଟ କରି ଲେଖିଛନ୍ତି ମନ କଥା । ଏହାସହ ସେ 2020 ବର୍ଷକୁ ଅନ୍ୟ କାହା ସହ ତୁଳନା କରିପାରୁନାହାଁନ୍ତି ବୋଲି ଜଣାଇଛନ୍ତି । ନ୍ୟୁରୋଏଣ୍ଡୋକ୍ରାଇନ୍ ଟ୍ୟୁମର ପରି ରୋଗରେ ପୀଡିତ ହୋଇ ଇରଫାନଙ୍କ ମୃତ୍ୟୁ ଗତ ବର୍ଷ ଏପ୍ରିଲ 29ରେ ହୋଇଥିଲା । ବଲିଉଡରୁ ହଲିଉଡ ପର୍ଯ୍ୟନ୍ତ ଇରଫାନ ଦେଖାଇଥିଲେ ନିଜ ଅଭିନୟର ଯାଦୁ ।
ଗୁରୁବାର ଫେସବୁକରେ ଏକ ପୋଷ୍ଟ କରି ସୁତାପା ଲେଖିଥିଲେ, ‘2020କୁ ସବୁଠାରୁ ଖରାପ ବର୍ଷ ବୋଲି କହିବା ମୋ ପାଇଁ ବହୁତ କଷ୍ଟକର, କାରଣ ସେହି ବର୍ଷ ତୁମେ ମୋ ସହିତ ଥିଲା । ଗତ ବର୍ଷ ଏହି ଦିନରେ ତୁମେ ମୋ ପାଖରେ ବସିଥିଲ । ମୁଁ ଜାଣେ ନାହିଁ ମୁଁ କିପରି 2020 କୁ ବିଦାୟ ଦେଇ 2021 କୁ ସ୍ବାଗତ କରିବି ।’